ۆۆس تەلەارناسىندا كورسەتىلەتىن “جابايى تابيعاتتاعى تىڭشى» اتتى باعدارلاما كەڭىنەن تانىمال. تەلە جوبادا زەرتتەمەك بولعان جانۋاردىڭ قۋىرشاعىن جاساپ، وعان جاسىرىن كامەرا ورناتادى. قۋىرشاقتى قالدىراتىن جەرگە دە بىرنەشە كامەرا قويادا.
اتالمىش تاجىريبەنى رادجاستانداعى لانگۋرلارعا جۇرگىزگەندە ونىڭ نەمەن اياقتالاتىنىن ەشكىم بىلمەدى.
باستاپقى كەزدە مايمىلداردىڭ ءبىرى قۋىرشاقتى وياتپاق بولادى. ءبىراق ول ونى بايقاماي قۇلاتىپ الادى.
سول ۋاقىتتا باسقاسى جۇگىرىپ كەلىپ، ونى ءتىرىلتىپ الۋعا تالپىنعانداي ارەكەتتەر جاسايدى. قۋىرشاقتىڭ قيمىلسىز جاتقانىن كورگەندە مايمىلدار ءۇيىرى كوز الدىندا وزگەردى.
بارلىعى قاتتى قامىعىپ قالعانى كورىنىپ تۇردى. ولاردىڭ ىس-ارەكەتى قايعىرىپ تۇرعان ادامدى ەسكە سالدى. ولار قۋىرشاقتىڭ اينالاسىنا جينالىپ، ونىمەن قوشتاسقىسى كەلگەندەي سيپاپ ءوتىپ جاتتى.
ۇلكەن مايمىلدار كىشىلەرىن قۇشاقتاپ، جۇباتۋعا تىرىستى.
