ءنازيا جويامەرگەن قىزى ەسىمدى Facebook قولدانۋشىسى جامبىل وبلىسىندا اپاتتا قايتىس بولعانداردىڭ ۇيىنە كوڭىل ايتىپ كەلگەن قورعانىس ءمينيسترىنىڭ توردە اياق كيىممەن وتىرعانىن سىنعا الدى.
«قورعانىس ءمينيسترى قاپيادا اجال قۇشقان بوزداقتاردىڭ ءبىرىنىڭ ۇيىنە كەلگەن. تورگە اياق كيىمىمەن شىعىپ كەتىپتى. قاسىنداعىسى دا سولاي. اياق كيىممەن وتىر. بيلىكتىڭ اتىنان كوڭىل ايتا كەلگەن قوس شەنەۋنىك ازالى ءۇيدىڭ شاڭىراعىن سىيلاماعانى انىق...» دەپ جازدى ءنازيا جويامەرگەن قىزى.
ەستەرىڭىزگە سالاي كەتەيىك، 17 اقپاندا جۋالى اۋدانى الاتاۋ اۋىلىنان 35-40 شاقىرىم جەردە (كوكساي شاتقالىندا) قار كوشكىنى ءجۇرىپ، 23 اسكەري قار استىندا قالعان.
كوشكىننەن كەيىن 91678 اسكەري ءبولىمىنىڭ قىزمەتكەرلەرى مەن جەدەل جاردەم قىزمەتى (بارلىعى 60 ادام) وقيعا ورنىندا ىزدەستىرۋ-قۇتقارۋ جۇمىستارى جۇرگىزىلدى. تاعى 75 ادام، ياعني قۇتقارۋ قىزمەتىنىڭ جەكە قۇرامى جانە جەتى ارنايى تەحنيكا تاراز قالاسىنان جونەلتىلگەن. قار كوشكىنى سالدارىنان قازا تاپقان جەتى ادامنىڭ ءمايىتى تابىلعان.
