قازاقستان پرەزيدەنتى نۇرسۇلتان نازاربايەۆ بەلارۋس رەسپۋبليكاسىنىڭ پرەزيدەنتى الەكساندر لۋكاشەنكومەن تەلەفون ارقىلى سويلەستى، - دەپ حابارلايدى تengrinews.kz جاڭالىقتارى.

 
اڭگىمە بارىسىندا نۇرسۇلتان نازاربايەۆ پەن الەكساندر لۋكاشەنكو ەكىجاقتى ىنتىماقتاستىقتىڭ مەيلىنشە وزەكتى تاقىرىپتارىن تالقىلادى.

مەملەكەتتەر باسشىلارى ەۋرازيالىق ەكونوميكالىق وداقتىڭ قازىرگى قىزمەتى مەن ونىڭ بۇدان ءارى دامۋىنىڭ ماسەلەلەرى جونىندە پىكىر الماستى.

سونداي-اق، ەكى ەلدىڭ كوشباسشىلارى الداعى كەزدەسۋلەردىڭ كەستەسىن قاراستىردى. اتاپ ايتقاندا، قازاقستان پرەزيدەنتى بەلارۋس پرەزيدەنتىن شانحاي ىنتىماقتاستىق ۇيىمىنىڭ سامميتىنە جانە استاناداعى ەكسپو-2017 حالىقارالىق كورمەسىنىڭ اشىلۋ سالتاناتىنا شاقىردى.

سونىمەن قاتار، بەلارۋس پرەزيدەنتىنىڭ رەسمي سايتىندا ەكى جاقتىڭ قازىرگى ماسەلەلەرگە الاڭداۋشىلىق بىلدىرەتىندەرىنى ايتىلعان. 

"قازاقستان پرەزيدەنتى نۇرسۇلتان نازاربايەۆ رەسەي مەن بەلارۋس اراسىنداعى پروبلەمالارعا الاڭداۋشىلىق ءبىلدىردى. سونىمەن قاتار، ول قازىرگى ماسەلەلەر وداق ىشىندە ءوزارا شەشىمىن تابادى دەگەن سەنىمدە"، - دەپ جازىلعان بەلارۋس پرەزيدەنتىنىڭ سايتىندا. 

سونداي-اق، نۇرسۇلتان نازاربايەۆ بەلورۋس باسشىسىنا قازاقستان مەن قىرعىزستان اراسىنداعى ماسەلەلەردى جانە ونىڭ شەشىمدەرىن ايتقان. ەكى جاق قازاق-بەلورۋس قارىم-قاتىناسىن تالقىلادى.