bbc.com اگەنتتىگىنىڭ حابارلاۋىنشا، ەكى جاقتى بىتىمگە قاراماستان دونباستا سوعىس قيمىلدارىن توقتاتۋ رەجيمى مۇلدە ەنگىزىلمەگەن. تەك وق جاۋدىرۋ سيرەپ قالعان. 18 اقپاندا  ۋكراينا شىعىسىنداعى جاعدايدى رەتتەۋ ماسەلەسى بويىنشا  كەلىسىمگە قول قويىلعان. بۇل كەلىسىمدى كەلەسى كۇنى رەسەي، ۋكراينا، فرانسيا مەن گەرمانيا سىرتقى ىستەر مينيسترلەرى قولداعان.

ءبىتىم  20 قاڭتاردان باستاپ جۇزەگە اسىپ، كۇشىنە ەنۋ كەرەك بولاتىن.  كەلىسىمشارت بويىنشا  ەكى جاق قارۋ-جاراق قۇرالدارىن ەل اۋماعىنان شىعارۋ ىسكە اسىرىلۋى قاجەت بولعان. الايدا، قارۋ-جاراق ءالى دە شىعارىلماعان.

دونباستاعى ۋكراينا اسكەري شتابىنىڭ حابارلاۋىنشا، ساعات كەشكى  18:00-دەگى جاعداي بويىنشا   ۋكراينا ارمياسىنا سەپەراتيستەر تاراپىنان 40-قا جۋىق وق جاۋدىرىلعان.

دەگەنمەن، ۋكراينا جاعى رەسەيلىك سودىرلار اۋىر، ءارى ءقاۋىپتى  قارۋ-جاراق  قۇرالدارىن، اتاپ ايتقاندا تانك پەن ارتيللەريانى قولدانىستان شىعارعان.

دۇيسەنبى كۇنى دونەسك «حالىق رەسپۋبليكاسى»-نىڭ كومانديرلەرىنىڭ ءبىرى ەدۋارد باسۋرين  ۋكراينا اسكەريلەرى ساعات 00:00-دەن وق جاۋدىرۋدى توقتاتۋ رەجيمىن بۇزباعان. الايدا، ونىڭ ايتۋىنشا كەلىسىمشارتقا قول قويماي تۇرىپ، ۋكراين ارمياسى سەپاراتيستەرگە اۋىر قاررۋ-جاراق قولدانۋ ارقىلى وق جاۋدىرعان.

 ەسكە سالساق، قاڭتاردىڭ سوڭىندا ۋكراينا شىعىسىندا جاعداي ۋشىعىپ، اۆدەيەۆكا قالاسىنىڭ ماڭىندا سوعىس قيمىلدارى قايتا ورشىگەن. سونىڭ ناتيجەسىندە ەكى جاقتىڭ دا اسكەريلەرى مەن بەيبىت تۇرعىندارى زارداپ شەكتى. ۋكراينا پرەزيدەنتى پەتر پوروشەنكونىڭ ايتۋىنشا، اۆدەيەۆكا  گۋمانيتارلىق   اپات جاعدايىندا قالدى. قالا تۇرعىندارى ەلەكتر ەنەرگياسىنىڭ، سۋ مەن گازدىڭ جوقتىعىنا نارازى بولعان.

ۋكراينا مەن رەسەي ءوز كەزەگىندە ءبىر-بىرىن قاقتىعىستاردىڭ شيەلەنىسىپ كەتكەنى ءۇشىن ايىپتادى.  پوروشەنكو رەسەيدى بىلدەي ءبىر قالانى تۇتقىنعا العان اگرەسسور دەپ ايىپ تاقسا، رەسەي پرەزيدەنتى  ۆلاديمير پۋتين جاۋاپ رەتىندە جاعدايدى ۋشىقتىرعان اقش-تان اقشا الۋدى ماقسات تۇتقان ۋكراينانىڭ ءوزى دەپ اقتالدى.

اۋدارعان نازەركە مۇسا