نينحاي قالاسىنداعى چجەسزيان اۋماعىندا تۇراتىن 94 جاسار چجان حەكسيا اجەي 4 جاسىنان باستاپ كۋنگ-فۋ ونەرىمەن اينالىسىپ كەلەدى.

كۋنگ-فۋ ونەرىنىڭ ەڭ ۇلكەن شەبەرى جايىندا «تت-ينفو» پورتالى جازادى.

اجەيدىڭ ءار تاڭى قىتايدىڭ جەكپە-جەك ونەرىنە ارنالعان جاتتىعۋلارىمەن وتەدى. بۇگىنگى كۇنى جاسى 94-كە كەلىپ قالعان اجەي كۋنگ-فۋ ونەرىن تولىعىمەن مەڭگەرگەن. تۇرعىندار ونى «كۋنگ-فۋ اجەي» دەپ اتاپ كەتكەن ەكەن.

چجان حەكسياننىڭ ۇلى تىلشىلەرگە بەرگەن سۇحباتىندا بىلاي دەيدى: «ول ءار كۇنى تاڭ اتپاستان تاڭعى جاتتىعۋلار جاساۋعا كىرىسەدى، جاتتىعۋ بارىسىندا اۋىل ماڭىندا سەرۋەندەپ جۇرگەندى جاقسى كورەدى»

سونداي-اق، جىگىت اناسىنىڭ جاس كەزىندە اۋىل تۇرعاندارىن ۇنەمى بۇزاقىلاردان قورعاپ جۇرەتىنىن ايتتى. اجەي بىردە ەر ادامنىڭ ءوز ايەلىن سوققىعا الىپ جاتقانىن بايقاپ قالادى دا، بىردەن كومەككە ۇمتىلىپ، ەر ادامدى جەكپە-جەككە شاقىرادى. ايەل ادامنىڭ كۇشىنىڭ تاسىپ تۇرعانىن بايقاعان ەر كىسى، باسىن الا قاشا جونەلەدى.

چجان حەكسياننىڭ ۇلىنىڭ سوزىنە كوڭىل اۋدارساق، قارت اجەيدىڭ ۇزاق ءومىر ءسۇرۋىنىڭ قۇپياسى ونىڭ اينالاسىنداعىلارعا دەگەن جىلى قارىم-قاتىناسى، سونداي-اق ءاردايىم كومەككە دايىن تۇراتىن جاناشىر مىنەزى دەيدى.

كورشىلەرى دە چجان حەكسياننىڭ جاسىنىڭ ۇلعايعاندىعىنا قاراماستان، تاڭعى جاتتىعۋلارىن ۇزبەيتىنىن ايتتى. 

اۋدارعان: گۇلىم جاقان