39-جاسار بريتاندىق لينن گوللودجي سارىلا كۇتكەن «حانزاداسىن» جولىقتىرا الماي، ءۇمىتى جوعالىپ وز-وزىنە تۇرمىسقا شىقپاقشى دەپ حابارلايدى Daily Star.

تۋىسقاندارىن شاقىرىپ، داستارحان جايماق بولىپ وتىرعان ايەل سالتاناتتى مەرەكەلىك تويدى ءساۋىر ايىنا جوسپارلاپ وتىر. ودان كەيىن ريمگە بال ايىنا جالعىز ءوزى اتتانباق بولىپ  وتىرعان كورىنەدى. گوللودجي حانىمنىڭ ايتۋىنا قاراعاندا وعان جالعىز بولعان ۇنايدى، سۇيىكتىسىن ىزدەپ شارشاعاندىعىن دا جاسىرمادى.

«ماعان قارىم-قاتىناستىڭ قاجەتى جوق  جانە مەن وسىنى تويلاماقپىن» -دەدى بريتاندىق ايەل.  روتەرەم تۇرعىنى مۇنداي شەشىم قابىلداۋىنا «دوستار» تەلەحيكاياسى تۇرتكى بولعاندىعىن جەتكىزدى.  ول تەلەحيكايادا دا باستى رولدەگى قىز ءدال وسىنداي شەشىم قابىلداسا كەرەك.

گوللودجىدىڭ تۋىسقاندارى ونىڭ مۇنداي شەشىمىنە تۇسىنىستىكپەن قاراپ وتىر. ونىڭ الدا جوسپارلانعان تويىنا دا كومەكتەرىن ايامايتىندارىن ءبىلدىردى.

ارينە، مۇنداي جاعداي كۇندە ورىن الىپ وتىرعان جوق.  لوگيكاعا سىيمايتىن شەشىم سەكىلدى. الايدا، باتىستان ءبارىن كۇتۋگە بولادى، ال ءبىزدىڭ مەنتاليتەتكە، سەنىمگە مۇنداي ۇعىم مۇلدەم الىس. جالعىزدىقتا ءومىر سۇرۋگە تالپىنۋ فەمينيستىك كوزقاراسقا دا جاقىن. وز-وزىڭمەن ءومىر ءسۇرۋ، ءوزىڭدى تولىققاندى، ەشكىمدى قاجەت ەتپەيتىن تۇلعا رەتىندە قابىلداۋ، ەر ادامعا دەگەن مۇقتاجسىزدىق، نورماعا ساي قابىلدانعان ۇلگىدەگى وتباسىن قۇرۋعا دەگەن ىنتاسىزدىق- پسيحولوگيالىق تۇرعىدان دا دۇرىس قاراستىرىلمايدى. الايدا مۇنداي شەشىمگە  كەلۋگە تۇرتكى بولعان سەبەپتەر دە بولۋى مۇمكىن.  ماسەلەن، جوعارىدا اتالعان ايەلدىڭ وسى ۋاقىتقا دەيىنگى قارىم-قاتىناستارىنىڭ ءساتسىز بولىپ اياقتالۋى، كورگەن نارسەنىڭ (تەلەحيكايانىڭ) ونىڭ پسيحولوگياسىنا اسەر ەتۋى، بەلگىلى-بىر تۇرعىدا وسى ماسەلە تۇرعىسىندا دەپرەسسياعا ۇشىراۋ-شەشىمدى قابىلداۋىنا سەبەپ بولىپ وتىرعان سىڭايلى.

نازەركە مۇسا