«قىرىمدى رەسەيگە جالعا بەرۋ تۋرالى جوسپار مۇلدەم قيسىنعا سىيمايدى. ايدى جالعا بەرۋدى دە ءدال وسىنداي تاسىلمەن ۇسىنۋعا بولاتىن ەدى». قىرىم ۇكىمەتىنىڭ ۆيسە-مينيسترى گەورگيي مۋرادوۆ وسىلاي دەپ مالىمدەمە جاسادى دەپ جازادى vesti.ru

«تاريحتا وسى سياقتى تالاي كۇلكىلى ۇسىنىستار بولعان. ونىڭ ىشىندە تاريح پەن ادەبيەتتە فاكت رەتىندە قالعاندارى دا از ەمەس. بىرەۋلەر ءوز كورشىلەرىنىڭ مۇلكىن ساتىپ نەمەسە جالعا بەرۋگە تىرىسىپ باقسا، ەندى بىرەۋلەر ساتسىزدىكتەرىن جوندەۋ ءۇشىن اقشا جيناعان»- دەدى مۋرادوۆ.

جاقىندا عانا New York Times گازەتى ۋكراينا دەپۋتاتى اندرەي ارتەمەنكو-نىڭ انتيرەسەيلىك سانكسيالاردى الىپ تاستاۋ تۋرالى جوسپارى باياندالعان ماتەرايلىن جاريالاعان بولاتىن.  دەپۋتات ۋكراينادا قىرىمدى رەسەيگە 50-100 جىلعا جالعا بەرۋ تۋرالى ماسەلەنى تالدايتىن رەفەرەندۋم ۇيىمداستىرۋدى ۇسىنعان.

سونىمەن بىرگە، رەسەي پرەزيدەنتى ۆلاديمير ءپۋتيننىڭ  پرەسس-حاتشىسى  دميتريي پەسكوۆ ماسكەۋدە بۇل جوسپار تۋرالى ەشنارسە بىلمەيتىندەرىن مالىمدەگەن. ال، New York Times گازەتى  جۋرناليستەرى ءوز كەزەگىندە جاريالاعان ماقالالارىندا «جوسپاردى» ءپۋتيننىڭ قاسىنداعى شەنەۋنىكتەر مەن دەپۋتاتتار قولداپ وتىر دەپ سەنىممەن جازعان كورىنەدى دەپ حابارلايدى qamshy.kz

اۋدارعان نازەركە مۇسا