پاۆلودار وبلىسىنىڭ اكىمى بولات باقاۋوۆ ناۋرىز مەيرامىن 22ء-شى ناۋرىزدان ءساۋىر ايىنا اۋىستىرۋدى ۇسىندى دەپ حابارلايدى sputniknews.kz.
«وتكەن جىلدىڭ سوڭىندا ينتەللەگەنسيا وكىلدەرىمەن كەزدەسكەندە ناۋرىز مەيرامىن جوعارى دەڭگەيدە ءساۋىر ايىندا وتكىزۋدى ۇسىندىم. سەبەبى 22 ناۋرىزدا پاۆلوداردا سۋىق اۋا-رايى ساقتالادى. مەنىڭ ويىمشا ءساۋىر ايى كەلگەندە ايدىڭ اياعىنا دەيىن قاجەتتى جەردى تاڭداپ، بىرگە مەرەكەنى اتاپ ءوتۋشى ەدىك» دەدى شەنەۋنىك.
پاۆلودار وبلىسىنىڭ اكىمى ايتقانداي «بۇل ازىرشە تەك ۇسىنىس قانا».
«ەگەر قوعام اتالعان ۇسىنىستى جاقسى قابىلداسا، وسى باعىتتا جۇمىس ىستەيتىن بولامىز» دەدى اكىم.
الەۋمەتتىك جەلىدە باقاۋوۆتىڭ ۇسىنىسى قىزۋ تالقىلانىپ جاتىر. كوبى مەرەكە كۇنىن اۋىستىرۋعا قارسىلعىن ءبىلدىردى، اكىمدى قولداعاندارى دا بولدى.
