Cوت مەملەكەتتىك ءتىل ورتالىعى ديرەكتورىنىڭ لاتۆيا استاناسىنىڭ مەرى نيلا ۋشاكوۆقا الەۋمەتتىك جەلىدە وزگە تىلدە جازعانى ءۇشىن 140 ەۋرو كولەمىندە ايىپپۇل سالۋ تارلى شەشىمىن وزگەرىسسىز قالدىردى دەپ حابارلايدى Delfi.
سوتتىڭ شەشىمىنە ساي، شەنەۋنىكتەر الەۋمەتتىك جەلىدە دە حالىقپەن بايلانىسقاندا مەملەكەتتىك ءتىلدى قولدانۋى كەرەك. زاڭ بويىنشا مەملەكەتتىك جانە مۋنيسيپالدى مەكەمەلەر حالىققا اقپاراتتى تەك مەملەكەتتىك تىلدە تاراتادى جانە بولەك جاعدايلاردا عانا شەت ءتىلىن قولدانادى.
بۇل لاتۆيالىق سوت تاجىريبەسىندەگى العاشقى الەۋمەتتىك جەلىدەگى ءوزىن-وزى باسقارۋ كوممۋنيكاسياسىنا قاتىستى شەشىم.
2016 جىلدىڭ شىلدە ايىندا ۋشاكوۆ Facebook-تە ورىس ءتىلىن قولدانعانى ءۇشىن وعان140 ەۋرو كولەمىندە ايىپپۇل سالىنعان. مەر سوت شەشىمىنە شاعىم تۇسىرەتىنىن جانە ونىڭ اكىمشىلىگى حالىقپەن لاتىش، ورىس جانە اعىلشىن تىلدەرىندە سويلەسۋىن جالعاستىراتىنىن ايتقان.
لاتۆيادا ورىس ءتىلىنىڭ مەملەكەتتىك ستاتۋسى جوق. 2012 جىلى وعان مەملەكەتتىك ءتىل ستاتۋسىن بەرۋ تۋرالى ۇسىنىس جاسالىپ، لاتۆيا ازاماتتارىنىڭ باسىم كوپشىلىگى وعان قارسىلىعىن ءبىلدىرىپ، ۇسىنىس قابىلدانبادى.
