جەمقورلىق جاسادى دەگەن كۇدىكپەن اقمولا وبلىسى زەرەندى اۋدانى اكىمىنىڭ ورىنباسارى مەن الماتى قالاسى مەملەكەتتىك كىرىستەر دەپارتامەنتىنىڭ ءبولىم باسشىسى ۇستالدى، دەپ حابارلايدى Sputnik

جەمقورلىققا قارسى كۇرەس ۇلتتىق بيۋروسى پارا العان ەكى لاۋازىمدى تۇلعانى قولعا ءتۇسىردى.

اقمولا وبلىسىندا زەرەندى اۋدانى اكىمىنىڭ ورىنباسارى جاناتابەك قالابايەۆتىڭ قىلمىسى اشكەرەلەندى. ول قۇرىلىستىق مەردىگەرلىك شارتىن جاساۋعا كومەك كورسەتكەنى ءۇشىن 2،5 ملن تەڭگە سوماسىندا پاتەردى جوندەۋ تۇرىندە مۇلىكتىك پايدا تاپپاق بولعان.

ال الماتىدا مەملەكەتتىك كىرىستەر دەپارتامەنتىنىڭ كەدەندىك باقىلاۋ ءبولىمىنىڭ باسشىسى ستانيسلاۆ شەگاي ۇستالدى. وعان 5،5 ملن. تەڭگە مولشەرىندە كەدەن باجىن ءوندىرىپ الۋ جانە قايتا ەسەپتەۋ بويىنشا شارالار قولدانباۋ ءۇشىن كاسىپكەردەن 3 مىڭ اقش دوللار پارا الدى دەگەن ايىپ تاعىلىپ وتىر.  قازىرگى ۋاقىتتا ەكەۋى دە ۇستالىپ، ۋاقىتشا ۇستاۋ اباقتىسىنا قامالدى. سوتقا دەيىنگى تەرگەۋ جۇرگىزىلۋدە.