توكيودا سانگە اينالعان ادىسپەن سۋرەتكە ءتۇسۋ ءۇشىن، عاشىقتار ءوز ومىرلەرىن قاتەرگە تىگۋدە. ولار سۋرەتكە ءتۇسۋ ءۇشىن ۆاكۋۋمعا ورانۋ كەرەك. بۇل جايىندا pic-words.ru پاراقشاسى جازدى.

حال كاۆاگۋتي ەسىمدى فوتوگراف ادامداردى سۋرەتكە ءتۇسىرۋ ءۇشىن ۆاكۋۋمگە ورايدى دا، اۋاسىن سۋىرىپ الادى. تەك سۋرەتكە بىرنەشە سەكۋند ىشىندە ءتۇسىرىپ ۇلگەرۋى ءتيىس. ۇلگەرمەگەن جاعدايدا، ادامدار تۇنشىعىپ قالۋى مۇمكىن. سۋرەتكە ءتۇسۋدىڭ بۇنداي ءتاسىلى ءقاۋىپتى بولعانىنا قاراماستان، كليەنتتەر سانى كۇن ساناپ ارتىپ كەلەدى ەكەن.

حال كاۆاگۋتيدىڭ پىكىرىنشە، ۆاكۋۋمگە ورانىپ سۋرەتكە ءتۇسۋ عاشىق جانداردىڭ سەزىمىن ودان سايىن ارتتىرۋعا سەپتىگىن تيگىزەدى ەكەن. سەبەبى، عاشىقتار بىر-بىرىنە ەتەنە جاقىن بولادى. «مەن سۋرەتكە تۇسىرمەس ءبۇرىن، قوس جۇپتىڭ دايىن ەكەندەرىنە تولىقتاي سەنىمدى بولۋىم كەرەكپىن. ولار وز-وزدەرىنە سەنىمدى بولعان جاعدايدا عانا، ۆاكۋۋمنىڭ ىشىنە كىرەدى. ال، مەن ىشىندەگى اۋانى سۋىرىپ الامىن. سۋرەتكە 4 سەكۋندتىڭ ىشىندە ءتۇسىرىپ ۇلگەرۋىم ءتيىس».

پروسەسس بارىسىندا، ادامدار 10 سەكۋندتاي دەم شىعارماۋى ءتيىس.

اۋدارعان: گۇلىم جاقان