اقش-تان 3-رەت دەپورتاسيالانعان مەكسيكالىق ازامات چاپارررال اتالاتىن شەكارا پۋنكتىندە وز-وزىنە قول جۇمساعان دەپ حابارلايدى qamshy.kz      bbc.com اقپارات اگەنتتىگىنە  سىلتەمە جاساپ.

45-جاسار گۆادەلۋپە وليۆاسا ۆالەنسيانى مەكسيكاعا ورالعاننان كەيىن جارتى ساعاتتان سوڭ  سۋيسيد جاساپ ەسىنەن تانىپ جاتقان جەرىنەن تابىلعان.  اۋرۋحاناعا بىردەن جەتكىزىلگەن ول  بىردەن تىلگە كەلمەستەن  سول جەردە كوز جۇمدى.

كۋاگەرلەردىڭ ايتۋى بويىنشا ۆالەنسيا سۋيسيد جاسار الدىندا مەكسيكاعا قايتا ورالعاندىعىن قالامايتىنىن ايتىپ، جەر كوككە ايقايلاعان. ازاماتتىڭ كۇيزەلىستە بولعاندىعى انىق بايقالعان. مەكسيكا بيلىك وكىلدەرىنىڭ مالىمدەۋىنشە، ۆالەنسيانى اقش-تان  3 -رەت دەپورتاسيالاعان.

ۆاشينگتونداعى ميگراسيالىق ساياساتتىڭ قاتالدانۋى اياسىندا قابىلدانعان شەشىمنىڭ قۇربانى بولىپ وتىرعان ازامات د.ترامپتىڭ «زاڭسىز ميگرانتتاردى دەپورتاسيالاۋ» ماسەلەسى بويىنشا قۋعىندالعان.

اقش تىڭ ىشكى ىستەر قاۋىپسىزدىگى ءمينيسترى دجون كەلليدىڭ مالىمدەۋىندە اقش ءوز كەزەگىندە  شەكارانى زاڭسىز تۇردە وتكەن ادامداردى مەكسيكاعا جىبەرۋگە قۇقىلىمى. ال مەكسيكا سىرتقى ىستەر مينيسترلىگى بۇل جاعدايدى اياقسىز قالدىرمايتىنىن مالىمدەدى.

گۆادەلۋپە وليۆاس ۆالەنسيا مەكسيكانىڭ سينالوا شتاتىندا دۇنيەگە كەلگەن. بۇل شتات ءوزىنىڭ ەسىرتكى تاسىمالداۋ مەن پايدالانۋ جيىلىگىمەن بەلسەندىلىگىمەن تانىلعان. كوپتەگەن مەكسيكالىقتاردىڭ ايتۋى بويىنشا، ولاردىڭ اقش-قا كوشىپ كەتكىسى كەلەتىن سەبەپتەرىنىڭ باستىسى ءوز وتاندارىنداعى جەكە باس قاۋىپسىزدىگىنىڭ ساقتالماۋى، زورلىق پەن زومبىلىقتىڭ كوپ بولۋى، قىلمىستىق ىستەردىڭ ءجيى ورىن الۋى بولعان.

25 قاڭتاردا ترامپ اقش پەن مەكسيكا شەكاراسىندا ەلدى زاڭداستىرىلماعان نەگىزدە كىرەتىن بوسقىنداردان، ەسىرتكى تاسىمالداۋدان قورعايتىن  قابىرعا سالۋ تۋرالى بۇيرىققا قول قويعان جانە اتالعان قابىرعانىڭ 2 جىل ىشىندە سالىنىپ بىتەتىندىگى ايىلدى. 

اۋدارعان:نازەركە مۇسا