پسيحيكالىق اۋىتقۋشىلىعى بار ايەل ءوز بالاسىنىڭ كوكىرەگىنە پىشاق سۇعىپ، ولتىرە جازدادى، دەپ حابارلايدى informburo.kz، مالىمەتتىڭ قازاقشا نۇسقاسىن «قامشى» پورتالى وقىرمان نازارىنا ۇسىنادى.

ءتورت جاستاعى ءبۇلدىرشىن كەۋدە تۇسىنداعى پىشاق جاراقاتىمەن اۋرۋحاناعا كەلىپ تۇسكەن. بالانى اۋرۋحاناعا اناسىنىڭ ءوزى الىپ كەلىپتى. 30 جاستاعى ايەل ءوز بالاسىن ءوزى ولتىرمەك بولعاندىعىن ايتقان.

«ءبۇلدىرشىندى اۋرۋحاناعا اۋىر حالدە جەتكىزگەن»، - دەپ مالىمدەدى بقو-داعى بالالار حيرۋرگياسىنىڭ باستىعى الەكساندر گەحمان.

اتالمىش وقيعاعا قاتىستى دارىگەرلەر دەرەۋ پوليسيا قىزمەتكەرلەرىنە حابار بەرگەن. بالانى ەم قابىلداۋ بولىمىنەن اۋىستىرعاننان سوڭ ونى كامەلەتكە تولماعانداردىڭ ىستەرى جونىندەگى بەيىمدەۋ ورتالىعىندا انىقتاعان. ءبۇلدىرشىندى بالالار ۇيىنە وتكىزۋ ماسەلەسى قارالىپ جاتىر.

«بالا بىزگە كەلگەندە قاتتى شوشىنىپ قالعان ەدى. توقتاۋسىز جىلاي بەردى. ءبۇلدىرشىن اۋرۋحانا قىزمەتكەرلەرىنە ءوز وقيعاسىن بايانداپ بەرگەندە، بارلىق دارىگەرلەر كوزدەرىنە جاس الدى. اناسى ونى اۆتوبۋس ايالداماسىنا الىپ كەلىپ، اۋىزىن جاۋىپ تۇرىپ كەۋدەسىنە پىشاق سۇعا باستاعان. شوشىنعان بالا: «ماما، قاجەت ەمەس، قاتتى اۋىرىپ كەتتى!» دەپ ايعاي سالعان. سول كەزدە اناسى پىشاعىن سۋىرىپ الىپ، بالانى اۋرۋحاناعا جەتكىزگەن»، - دەپ حابارلادى كامەلەتكە تولماعانداردىڭ ىستەرى جونىندەگى بەيىمدەۋ ورتالىعىنىڭ ديرەكتورى روزا سۇيىنشالييەۆا.

دارىگەرلەردىڭ ايتۋىنشا، بالانىڭ اناسى پسيحيكالىق اۋرۋعا شالدىققان بولۋى مۇمكىن. ول ءالى كۇنگە دەيىن تۇتقىنعا الىنعان جوق، ۇيىندە وتىر. قاسكوي انانىڭ ايتۋىنشا، ول بالاسىن ءولتىرىپ، كەيىننەن وز-وزىنە قول جۇمساماق بولعان.

اۋدارعان: نازەركە لابيحان