بەلگىلى ءدىنتانۋشى قايرات جولدىباي ۇلىنىڭ ايتۋىنشا، بۇل قۇرىلىستىڭ سالدارىنان مۇسىلماندار مەن حريستيان ءدىنى وكىلدەرىنىڭ اراسىندا ارازدىقتار تۋىنداۋى مۇمكىن. ول مۇسىلماندار مەن حريستيانداردى ءبىر مولاعا جەرلەۋ ەرتەڭ ءتۇرلى تۇسىنىسپەۋشىلىكتەردى تۋعىزاتىنىن ەسكەرتىپ وتىرعانداي. بۇل تۋرالى ويىن ول Facebook الەۋمەتتىك جەلىسىندەگى جەكە پاراقشاسىندا جازادى.
«ۇلتتىق پانتەون قۇرىلىسىنا قىرۋار قارجى ءبولىنىپ جاتىر. ول جاعىنا مەن ارالاسپاي-اق قويايىن. ءبىراق ماسەلەنىڭ ءدىن مامانى رەتىندە مەن ارالاسپاسام بولمايتىن تارابى بار. پانتەوندا مۇسىلماندار مەن وزگە ءدىن وكىلدەرى بولىنبەگەن. قاتار جەرلەنۋدە. بۇل شاريعاتقا دا، قازاق داستۇرىنە دە قايشى. عۇلامالار باسقا ءدىن وكىلدەرىنىڭ زيراتىنا جەرلەنگەن مۇسىلماندى قايتا جەرلەۋ كەرەكتىگىن ايتقان. مۇنىڭ الدى الىنباسا بولاشاقتا ءدىني ءدۇردارازدىققا، ءتىپتى ۇلتارازدىققا سەبەپ بولۋى مۇمكىن. ەرتەڭ باسقا ءدىن وكىلدەرىنىڭ ءارۋاعىنا قۇرمەت رەتىندە زيرات باسىندا اراعىن ءىشىپ، شاريعاتقا قايشى ءتۇرلى ارەكەتتەرىن جاساپ جاتقانىن كورگەن مۇسىلمان بالاسى قانداي كۇيدە بولۋى مۇمكىن؟!»، - دەيدى ءدىن مامانى قايرات جولدىباي ۇلى.
ايتا كەتەيىك، استانا قالاسىندا تانىمال ادامدار جەرلەنەتىن ۇلتتىق پانتەوننىڭ قۇرىلىسىنا بيۋدجەتتەن 1،7 ميلليارد تەڭگە قارجى بولىنگەن بولاتىن.
پىكىر قالدىرۋ