ءانشى ەريكا گەرسەگتىڭ ايتۋىنشا، ول بۇل اقشالاردى قازاقستاندىق دوسىنان قارىزعا العان، دەپ حابارلايدى "پەرۆايا ينستانسيا"، مالىمەتتىڭ قازاقشا نۇسقاسىن «قامشى» پورتالى وقىرمان نازارىنا ۇسىنادى.
«ۆيا گرا» توبىنىڭ ءسوليستى ەريكا گەرسەگ «بوريسپول» اەروپورتىندا كەدەندىك تەكسەرىس بارىسىندا قوماقتى قارجىمەن ۇستالىپ، اقشاسىنىڭ بارلىعىنان ايىرىلدى. قولعا تۇسىرگەن قوماقتى قارجىنى مەملەكەتتىڭ پايداسىنا تاركىلەگەن.
بۇل جايىندا كييەۆ وبلىسىنداعى اپپەلياسيالىق سوتتىڭ شەشىمى ناتيجەسىندە بەلگىلى بولدى.
سوت ىسىندەگى ماتەريالداردا كورسەتىلگەندەي، كەدەننىڭ «ۆيا گرا» توبىنىڭ ءانشسى ەريكا گەرسەگكە دەگەن كۇماندارى ءبىر جىل بۇرىن، ياعني 2016 جىلدىڭ 20 ناۋرىزىندا پايدا بولعان. «جاسىل ءدالىزدى» تاڭداعان ءانشى كەدەندىك پوست قىزمەتكەرلەرىنە ءوز جۇگىن اشىپ كورسەتكەن.
«سومكەدەن 29،8 مىڭ دوللار، 12،5 مىڭ ەۆرو مەن 15 مىڭ رۋبل قاراجات تابىلدى. كەدەندىك دەكلاراسيادا ەريكا گەرسەگ اقشانىڭ سوماسىن بۇلاي دەپ كورسەتپەگەن، سول سەبەپتى دە كەدەن قىزمەتكەرلەرى 10 مىڭ ەۆرودان قالعانى تارۋىلەندى، سەبەبى شەت ەلگە بۇل سومادان ارتىق قاراجات الىپ شىعۋعا رۇقسات جوق. ناتيجەسىندە، «ۆيا گرا» ءانشىسى 29،8 مىڭ دوللار، 2،5 مىڭ ەۆرو مەن 15 مىڭ رۋبلدەن ايىرىلدى»، - دەپ كورسەتىلەدى سوت ماتەريالدارىندا.
2016 جىلدىڭ ءساۋىر ايىندا سوت ءانشىنى كىنالى دەپ تاۋىپ، 1700 گريۆەن ايىپپۇل سالعان، سونىمەن قاتار جاريالانباعان قاراجاتتارىن تاركىلەۋگە بۇيرىق شىعارعان.
ەريكا اپپەلياسيالىق سوتقا شاعىم ءتۇسىرىپ، اقشاسىن قايتارىپ بەرۋىن سۇراعانمەن، ونىڭ بۇل تالابى ورىندالمادى. سوتتىڭ مۇنداي شەشىم قابىلداۋىنا ءانشىنىڭ قاراجاتقا قاتىستى بەرگەن تۇسىنىكتەمەسىنىڭ ەكى ءتۇرلى بولعاندىعى سەبەپ بولدى. العاشقىدا ءانشى بۇل اقشانى تانىسىنان سىيلىق رەتىندە الدىم دەسە، اپپەلياسيالىق سوتتا قازاقستاندىق دوسىنان قارىزعا العندىعىن دالەلدەمەك بولدى.
اۋدارعان: نازەركە لابيحان
