اباي قۇنانبايەۆتىڭ 175 جىلدىعىنىڭ قارساڭىندا سەمەي-قاراۋىل جولىن جوندەۋگە بيىل 300 ملن. تەڭگە قارجى بولىنگەندىگى تۋرالى شقو اكىمى دانيال احمەتوۆ حالىق الدىنداعى ەسەبىندە ايتتى.

اباي اۋدانىنىڭ تۇرعىنى وبلىس اكىمىنىڭ حالىق الدىنداعى ەسەبى كەزىندە سەمەي قالاسىنان قاراۋىل اۋىلىنا دەيىنگى جولدى جوندەۋگە قارجى ءبولۋدى سۇراعان ەدى.

دانيال احمەتوۆ كوتەرىلگەن ماسەلەنىڭ شەشىلەتىندىگىن جانە اباي جەرىندە ءبىرقاتار يگى ىستەردىڭ اتقارىلاتىندىعىن حابارلادى.

- جولدى جوندەۋگە 300 ملن. تەڭگە وبلىستىق بيۋدجەتتەن ءبولىپ قويدىق. جەتپەسە تاعى قاراستىرامىز. سونىمەن قاتار، اباتتاندىرۋ جۇمىستارىن جۇرگىزۋ ءۇشىن اباي اۋدانىنا قوسىمشا 100 ملن تەڭگە ءبولىپ وتىرمىز. بيىل قاراۋىل اۋىلىندا باسسەين سالىنادى، - دەدى ايماق باسشىسى.

ايتا كەتەر بولساق، بيىلعى جىلدىڭ وزىندە شىعىس قازاقستان وبلىسىندا 365 كم جول جوندەلمەك.

ايتا كەتەر بولساق، بيىلعى جىلدىڭ وزىندە شىعىس قازاقستان وبلىسىندا 365 كم جول جوندەلمەك.