«تۇركيا دامىعان ەلدەر قاتارىنا ەنۋ ماقساتىندا العان بەتىنەن قايتپايدى»، - دەپ مالىمدەدى پرەزيدەنت رەدجەپ تاييپ ەردوعان، دەپ جازادى enter.news، مالىمەتتىڭ قازاقشا نۇسقاسىن "قامشى" پورتالى وقىرمان نازارىنا ۇسىنادى.

«ءبىز حالىققا بەرگەن ۋادەمىزدى ورىندايمىز دا، ەلىمىزدى ەڭ جاقسى دامىعان ەلدەر قاتارىنا قوسامىز»، - دەپ باسىپ اتتى ول.

ونىڭ ايتۋىنشا، بيلىك باسىنداعىلاردىڭ ءوزارا تەكەتىرەستەرى مەن كەلىسپەۋشىلىكتەرى تۇركيا ەلىنە ۇلكەن شىعىن الىپ كەلدى.

«بۇلىك تۋعىزۋشىلاردىڭ كەسىرىنەن بولعان ساياسي سوعىستىڭ سالدارىنان ەلىمىز ءالى كۇنگە دەيىن ەكونوميكالىق داعدارىستى باسىنان كەشىرۋدە. ءبىزدىڭ دۇشپاندارىمىز 16 ساۋىردە تۇركيادا كونستيتۋسيالىق رەفەرەندۋم وتكەن كۇنى زاڭ شىعارۋشى ورگاندار ءۇشىن ەڭ سوڭعى كۇن بولادى دەپ ويلايدى. مۇنداي تۇجىرىمداردىڭ بارلىعى دا نەگىزسىز بولىپ تابىلادى»، - دەيدى تۇركيا پرەزيدەنتى.

تاييپ ەردوعاننىڭ ايتۋىنشا، 2016 جىلدىڭ 15 شىلدەسىندە بۇلىكتى باسۋعا بارىنشا كۇش جۇمىلدىرعاننان سوڭ ول قايتادان كۇشىنە ەنە باستادى. تۇركيا – ءتۇرلى بۇلىكتەرگە، ساياسي سوعىسقا، داعدارىس پەن شابۋىلدارعا قارسى تۇرا بىلگەن ىرگەسى مىقتى مەملەكەت.

«بۇقارا حالىقتىڭ قولداۋى بيلىك ءۇشىن وتە قاتتى قاجەت. 50 پايىز حالىقتان قولداۋ تاپقان جاعدايدا بيلىك وكىلدەرى قوعامدى دامىتۋعا ارنالعان ءتۇرلى جوبالار مەن دوسپارلاردى ىسكە قوسا الادى»، - دەپ مالىمدەدى ەردوعان.

اۋدارعان: نازەركە لابيحان