پالەونتولوگتار توبى ەر ادامنىڭ قاڭقاسىن تاۋىپ، سىرتقى كەلبەتىن جاساپ شىعاردى دەپ حابارلايدى Qamshy.kz داندي (شوتلانديا) ۋنيۆەرسيتەتىنىڭ Joinfo.ua سايتىنا سىلتەمە بەرە وتىرىپ. 

قاڭقانى تاپقاندا ونىڭ ەكى اياعى ايقاسىپ تۇرعان. ال ساۋساقتارى ۇلكەن تاستارمەن باسىلعان. دەنەنى زەرتتەۋ بارىسىندا ەر ادامنىڭ ولىمىنە سەبەپكەر بولعان باسىنان العان بەس اۋىر جاراقات ەكەنى بەلگىلى بولدى.

داندي ۋنيۆەرسيتەتىنىڭ پروفەسسورى بلەك تابىلعان قاڭقاعا قاتىستى مىناداي پىكىر ءبىلدىردى: «بۇل قاڭقا وتە جاقسى قالىپتا ساقتالعان. ونىڭ سۇيەكتەرىن زەرتتەۋ بارىسىندا ونىڭ قىسقا عۇمىرى مەن ءولىمى تۋرالى اقپاراتتار بىلدىك. ونىڭ بەت الپەتىنەن ونىڭ جاس كەزىندە كوز جۇمعانىن بىلە الاسىز. ول ازاپتاپ ولتىرىلگەن. ەر ادام ەڭ از دەگەندە باسىنان بەس اۋىر جاراقات العان».

بىرىنشە سوققى باسى دوڭگەلەك كەلگەن قۇرالمەن ۇرعان. ناتيجەسىندە وڭ جاق جاعىنداعى تىستەرى سىنعان. ەكىنشىسى سول قۇرالمەن نەمەسە تاياقپەن ۇرىپ، سول جاق جاعىن سىندىرعان. ءۇشىنشى سوققى ەر ادامدى اياعىنان قۇلاتىپ باسىنان قاتتى جاراقات العان. ءتورتىنشىسى باس سۇيەگىن جارىپ جىبەرگەن. بەسىنشى سوققى باس سۇيەگىن ودان ارمەن ويىپ تۇسىرگەن.

«ازىرشە بۇل ادامنىڭ نەلىكتەن ولتىرىلگەنى بەلگىسىز. ونىڭ دەنەسى جەرلەنگەن جەر بىزگە سول زامانداعى مادەنيەتتەن حابار بەرسە كەرەك. بالكىم ءبىر ادامدارمەن جانجالداسقان بولار» دەپ توپشىلايدى عالىمدار.

اۋدارعان: اسەم المۇحانبەت