كونستيتۋسيا كۇنى قارساڭىندا قىزىلوردادا قازاقستاننىڭ مەملەكەتتىك ءانۇرانىن 1200-دەن استام بالاقاي ءبىر مەزگىلدە ورىندايدى. بۇل تۋرالى Tengrinews.kz جازدى. قىزىلوردا قالالىق  ىشكى ساياسات ءبولىمىنىڭ جەتەكشىسى بالدىرعان مامەننىڭ ايتۋىنشا يۋالالار ءانۇراندى 29 تامىز كۇنى ءبىر مەزگىلدە ورىنداماق. ەرەكشە اكسياعا 124 بالاباقشا مەن مەكتەپكە دەيىنگى ءبىلىم بەرەتىن شاعىن ورتالىقتىڭ تاربيەلەنۋشىلەرى قاتىسادى. 30 تامىز كۇنى قالادا قوعامدىق كولىك كاسسيرلەرى مەن جۇرگىزۋشىلەرى ءوز جۇمىسىن مەملەكەتتىك ءانۇراندى ايتۋمەن باستاعالى وتىر. № 5، 6، 11، 12، 14، 17، 18، 19، 22، 24 قالالىق باعىتتاعى اۆتوبۋستار بۇل كۇنى ادەتتەگىدەي 22.00-گە دەيىن ەمەس، 23.00-گە دەيىن جۇمىس ىستەيتىن بولادى.

"قىزىلوردا اكىمدىگىنىڭ ۇسىنىسى بويىنشا كاسىپكەرلەر كونستيتۋسيا كۇنىنە ارناپ، تاعى ءبىر تارتۋ ازىرلەپ وتىر - قالانىڭ "ميراس"، "جاينا"، "ايتبەك"، "اسبول"، "اعجان" سياقتى ءىرى بازارلارى مەن "انۆار"، "ماگنات"، "رامازان" سياقتى ساۋدا ورتالىقتارى قىزىلوردالىقتارعا ءوز ونىمدەرىن 10-15 پايىزدىق جەڭىلدىكپەن ۇسىنباق"، - دەيدى مامەن. سونداي-اق مەرەكە كۇنى قىزىلوردادا اۋىل شارۋاشىلىعى ونىمدەرىنىڭ جارمەڭكەسى دە وتپەك ەكەن.

ەستەرىڭىزگە سالساق، 1995 جىلى 30 تامىز ق ر اتا زاڭى قابىلدانعان كۇن.

قامشى-اقپارات