ءبىلىم جانە عىلىم مينيسترلىگى وزگە مەملەكەتتىك ورگانداردىڭ مۇعالىمدەردى حالىقتى ارالاۋعا ماجبۇرلەۋىنە تىيىم سالۋدى كوزدەيدى دەپ حابارلادى ءبىلىم جانە عىلىم ءمينيسترى ەرلان ساعادييەۆ، دەپ حابارلايدى Sputnik پورتالى
"تاعى ءبىر باستى ماقسات – مۇعالىمدەردىڭ موينىنا وزدەرىنە ءتان ەمەس قىزمەتتەر تاپسىرۋعا تىيىم سالۋ. مۇنى ورىنداۋ وڭاي بولماسا دا، قولعا العالى وتىرمىز. بۇگىندە بارىمىزگە ايان – مۇعالىمدەر ساراپتامالار جيناقتايدى، كارتوچكالار مەن جول ءجۇرۋ بيلەتتەرىن تاراتادى، ءۇي-ۇيدى ارالايدى"، — دەدى ساعادييەۆ ق ر بعم كوللەگياسىنىڭ جالپى وتىرىسىندا.
ونىڭ سوزىنە سۇيەنسەك، ۆەدومستۆو ءبىرىنشى كەزەكتە ستاتيستيكالىق مالىمەتتەر جيناۋ ءۇشىن ءۇي-ۇيدى ارالاۋ مىندەتتەمەسىنەن قۇتىلماق. "وسىعان تىيىم سالماقپىز، ءارى قاراي مەحانيزمىن ويلاستىرىپ، باسقا دا ورگاندارمەن بىرلەسە جوعارىدا ايتىلعان ماقساتتار ءۇشىن ءمۇعالىمنىڭ ەڭبەگىن پايدالانۋعا تىيىم سالاتىن بۇيرىقتار شىعارۋدى نەمەسە ۇكىمەت قاۋلسىن ەنگىزۋدى قالايمىز. بۇگىندە بۇل ماسەلە تالقىلانۋدا، ىزدەۋ قولعا الىندى. اۋەلى جالپىعا مىندەتتى وقۋ بويىنشا ءۇي-ۇيدى ارالاۋدى دوعارامىز"، — دەدى ساعادييەۆ.