اشۋرا – مۋحاررام ايىنىڭ 10-شى كۇنى تويلاناتىن شەيىت مۇسىلماندارىنىڭ ەڭ نەگىزگى مەرەكەسى. الەمنىڭ 15 پايىزىن عانا قۇرايتىن شەيىت مۇسىلماندارى بۇل مەيرامدى ەرەكشە اتاپ وتەدى ەكەن. ءبىراق باسقا مەملەكەتتەر ءۇشىن ناعىز قانتوگىستىڭ ءوزى بولىپ سانالاتىن مەيرامدا ادامدار قولدارىنا وتكىر پىشاق، تاياق، ودان قالسا، قىلىشتارىن اسپانداتىپ، الاڭعا جينالادى.

ءۇندى حالقىنىڭ مەيرامدى اتاپ ءوتۋ ءساتى

اشۋرا – 680 جىلى كەربەل سوعىسىندا قازا تاپقان مۇحاممەد (س.ع.س) پايعامداردىڭ نەمەرەسىن ەسكە الۋ كۇنىنە وراي تويلاناتىن مەيرام. شەيىتتەر دەپ اتالىپ كەتكەن يراك، يران، باحرەين، سونداي-اق اۋعانىستان، پاكىستان، ليۆان، ساۋد ارابياسى ەلدى مەكەندەرىندە ءومىر سۇرەتىن مۇسىلمان حالقى پايعامبارىمىزدىڭ نەمەرەسى حۋسەين يبن ءاليدى ەرەكشە قادىرلەيدى، ەڭ باستى يمامى رەتىندە سانايدى.

اۋعان حالقىنىڭ قاندى ءداستۇرى

مۇسىلمان حالقى ءۇشىن اشۋرا مەرەكەسى – ازا تۇتۋ كۇنى. حۋسەيننىڭ ناعىز ەرلىك ءولىمىن ەسكە ءتۇسىرىپ، ادىلدىك جولىندا ءبارى جىلايدى. بۇل مەيرامدى تاتارلىق مۇسىلمانداردىڭ دا كەيبىرى تويلايدى ەكەن.

ءۇندى ازاماتىنىڭ ازا تۇتۋ كۇنىنىڭ بەلگىسى رەتىندە بالانىڭ تەرىسىن قانعا بوياۋ ءساتى

بۇل كۇنى ەر ادامداردىڭ ۇلتتىق شەرۋى وتەدى. حۋسەين باتىردىڭ اتىن جوقتاپ وز-وزدەرىنە پىشاق سۇعادى، قاتتى تاياقتارمەن ۇرىپ، دەنەلەرىن قىزىل قانعا بويايدى.

سونداي-اق، XVI عاسىردا شىققان «قينالعاندار باقشاسى» كىتابىندا مۇحاممەد پايعامباردىڭ نەمەرەسىن جوقتاۋ ماقساتىندا وتكىزىلەتىن مەيرام جايىندا جازىلعان.

مەيرامعا ايەل ادام دا قارا ءتۇستى كيىممەن قاتىسا الادى 

الايدا، كەي مەملەكەتتەردە مەيرام قانتوگىسسىز تويلانادى.

گۇلىم جاقان