ورالدىق كاسىپكەر مۇگەدەكتەر ەڭبەك ەتەتىن ۇجىمعا اۆتوبۋس تارتۋ ەتتى. بۇل جونىندە 24.kz جاڭالىقتارى حابارلايدى.

تاعدىر سىنىنا ۇشىراپ، ەكى اياعىنان بىردەي ايىرىلعان ءبىرجان قوجاقوۆ ءوزى باسشىلىق ەتەتىن جيھاز جاساۋ سەحىندا 17 كەمباعال جاندى جۇمىسپەن قامتىپ وتىر. ولاردىڭ قولىنان شىققان ۇلتتىق ناقىشتاعى بەسىك، ساندىق پەن وزگە دە جيھازدارعا اركەز سۇرانىس جوعارى. بۇعان دەيىن كاسىپكەر سال اۋرۋىنا شالدىققان بالالارعا اسا قاجەت بولاتىن تىرەك-قيمىل اپپاراتتارىن جاساپ، بارلىق وبلىستارعا تەگىن تاراتقان بولاتىن. جىگەرى مۇقالماعان قايسار جاندار ءۇشىن ەرتەڭگىلىك جۇمىسقا جەتۋ مەن كەشكىسىن قايتۋ وڭاي ەمەس-تى. بۇل تۋرالى كاسىپكەر ءبىرجان قوجاقوۆ ءوزىنىڭ الەۋمەتتىك جەلىدەگى پاراقشاسىنا جازىپ، كوپشىلىكتەن كومەك سۇراعان بولاتىن.

قامقورلىققا ءزارۋ جاندارعا قول سوزعان قايىرىمدى جاننىڭ ەسىمى – تالان ورازعالييەۆ. جەرگىلىكتى قۇس فابريكاسىنا باسشىلىق ەتەتىن ول ۇجىمعا «پاز» اۆتوبۋسىن تەگىن ۇسىندى.

«بۇعان ءبىز شىن كوڭىلدەن ريزامىز ءارى قۋانىشتىمىز. ويتكەنى ەندى بۇل كولىك تەك ءبىزدىڭ ۇجىم مۇشەلەرىن عانا ەمەس، قالاداعى مۇگەدەك سپورتشىلاردى ءتۇرلى جارىستارعا اپارۋعا دا كومەگىن تيگىزەدى. بولاشاقتا جەرگىلىكتى ءوندىرىس ورىندارىمەن كەلىسىپ، اۆتوبۋستى مۇگەدەكتەردىڭ مىنىپ-تۇسۋىنە قولايلى ەتىپ جاساقتاۋدى جوسپارلاپ وتىرمىن»، - دەيدى كاسىپكەر.