بۇل تۋرالى الەۋمەتتىك جەلىدە جانبولات كەنجەعۇل دابىل قاقتى.
«مىنا بەينەجازبانى قوعالىكول اۋىلىنداعى "ەسەنتايەۆ سۇندەت" شارۋا قوجالىعىنىڭ يەسى رامازان ەسىمدى جىگىت جولداپ وتىر. ونىڭ ايتۋىنشا، 24 كۇننىڭ ىشىندە 23 بيە قۇلىن تاستاعان. بۇل قاتاردى يمانوۆ، چكالوۆ ەلدى-مەكەندەرى تولىقتىرا تۇسۋدە. ال بۇگىن اۋدان ورتالىعىندا" ەكى بىردەي كورشىلەس ءۇيدىڭ ۇش-ۇشتەن التى بيەسى قۇلىن تاستاعانى تۋرالى xابارلادى. سونىمەن قاتار بۇعان دەيىن قاراسۋ اۋىلىندا بەلگىسىز سەبەپپەن ولگەن بۇزاۋلار تىركەلگەن.
شارۋالار مال دارىگەرلەرى مەن جاۋاپتى سالا وكىلدەرىنىڭ نازار اۋدارۋىن سۇرايدى»، - دەپ جازدى مال ولىمىنە الاڭداعان ازامات.
ەسكە سالاتىن بولساق، 2 جىل بۇرىن قازاق دالاسىندا 200 مىڭعا جۋىق كيىك قىرىلىپ قالعان ەدى. ول ۋاقىتتا قىرىلعان كيىك الدىمەن وسى قوستاناي وبلىسى امانگەلدى اۋدانىندا مامىردىڭ 10-ى كۇنى تابىلا باستاعان بولاتىن.
