كۇدىكتىلەرگە مەملەكەتتىڭ قاتاڭ باقىلاۋىنداعى ميكروەلەكتروندى بولشەكتەردى ەكسپورتتاعانى ءۇشىن ايىپ تاعىلۋدا. ەرەكشە قۇپيا ساقتالاتىن تەحنولوگيانى قىلمىستى توپ رەسەيدىڭ بارلاۋشى جانە اسكەري مەكەمەلەرىنە جەتكىزىپ وتىرعان. ونەركاسىپتىك تىڭشىلار سارسەنبى كۇنى حيۋستوندا سوت الدىندا جاۋاپ بەرەدى. سودان كەيىن تەرگەۋ امالدارى نيۋ-يوركتە جالعاسپاق. پروكۋراتۋرانىڭ مالىمەتى بويىنشا، قىلمىستىق توپ اقش-تا 2008-2012 جىلدار ارالىعىندا جۇمىس ىستەپ تۇرعان. ايىپتالۋشىلار ەلەكترونيكا دايىنداۋشىلار رەتىندە جاسىرىن جۇمىسپەن اينالىسقان. ياعني، تەحاستا الەكساندر فيششەنكو دەگەن ازاماتتىڭ باسشىلىق ەتۋىمەن Arc Electronics اتتى فيرما قۇرىلعان. ونىڭ فيرماسى باعدارشام شىعارۋمەن اينالىسقان. ا.فيششەنكو قازاقستاندا تۋعان. لەنينگراد ەلەكتروتەحنيكا ينستيتۋتىن ءتامامداعان. 1994 جىلى اقش-قا قونىس اۋدارىپ، 2003 جىلى امەريكانىڭ ازاماتتىعىن العان.   «www.bnews.kz».