اگەنتتىكتىڭ حابارىنا قاراعاندا، زارداپ شەككەندەردىڭ 9-ى ءتارتىپ ساقشىلارى. جاراقات العان جەتى ادام قالاداعى اۋرۋحانالاردا جاتىر، وزگەلەرى مەديسينالىق كومەك كورسەتىلگەن سوڭ ۇيلەرىنە قايتارىلعان. زارداپ شەككەندەردىڭ جاراقاتى اۋىر ەمەس. ال، يتار-تاسس اقپاراتىنا قاراعاندا، بىشكەكتە ورىن العان تارتىپسىزدىكتەردىڭ ءمان-جايىن انىقتاۋ ماقساتىندا ۆەدومستۆوارالىق توپ قۇرىلعان. ونىڭ قۇرامىنا رەسپۋبليكاداعى بارلىق قۇقىق قورعاۋ ورگاندارى وكىلدەرى كىرگەن. «بۇل وقيعا بويىنشا قىلمىستىق ءىس قوزعالعان جوق. ۆەدومستۆوارالىق كوميسسيا جۇمىسى اياقتالعان سوڭ عانا بۇگىنگى وقيعا تۋرالى مالىمدەمە جاساۋعا بولادى»، دەپ حابارلادى قىرعىزستان رەسپۋبليكاسىنىڭ باس پروكۋراتۋراسى. "قامشى" سىلتەيدى:  www.bnews.kz