وتكەن جىلى قاراعاندى وبلىسىندا ورىن العان جانتۇرشىگەرلىك قىلمىستىڭ جاي-جاپسارى انىقتالدى، دەپ حابارلايدى qasym.kz.

 ازاماتتىق نەكەدەگى ەرلى-زايىپتىلاردىڭ ەكى جاستاعى قىزدارى جوعالىپ كەتكەن. جەدەل ىزدەستىرۋ شارالارى بارىسىندا پوليسەيلەر قىز بالانى ونىڭ وگەي اكەسى ورتەپ جىبەرگەنىن انىقتادى. اناسى وعان ەش قارسىلىق كورسەتپەگەن. قايتا قىلمىستىڭ ءىزىن جاسىرۋعا جاردەمدەسكەن. 

اقپان ايىنداعى ۇسكىرىك ايازداردىڭ بىرىندە ەرلى-زايىپتىلار قاراعاندى وبلىسىنا قاراستى شەت اۋدانى اعادىر اۋىلىنداعى قىستاۋدان قالاعا قايتادى. ولارمەن بىرگە ورتاق نەكەلەرىنەن تۋعان ەر بالا مەن ايەلدىڭ ءبىرىنشى نەكەسىنەن تۋعان قىز بالا بولعان. وتباسى مۇشەلەرى قالادا تۇراقتى باسپانالارى بولماعاندىقتان قالا ماڭىنداعى ساياجايلاردىڭ بىرىنە بارىپ قونىستانۋدى شەشەدى. 
ساياجايعا جاياۋلاتىپ شىققان وتباسى مۇشەلەرى ورتا جولعا كەلگەن كەزدە ەر ازامات شارشاعانىن سىلتاۋراتىپ، بالانى كوتەرىپ جۇرۋدەن باس تارتادى. ەرلى-زايىپتىلاردىڭ اراسىندا كىشىگىرىم جانجال تۋىندايدى. وسى كەزدە كىشكەنتاي قىز جىلاي باستاعان. بۇعان اشۋلانعان ەركەك ونىڭ ۇستىنە ەكى اياعىمەن سەكىرەدى. جاراقات سالدارىنان ءسابي وقيعا ورنىندا كوز جۇمادى. ال وتباسى مۇشەلەرى ءمايىتتى دالاعا تاستاپ، ساپارلارىن جالعاستىرا بەرەدى. تەك كەلەسى كۇنى عانا ءوزىنىڭ قانداي قىلمىسقا بارعانىن تۇسىنگەن ەر ازامات قىلمىستىڭ ءىزىن جاسىرۋ ماقساتىندا ءمايىتتى ورتەپ جىبەرۋ تۋرالى شەشىم قابىلدايدى. مۇنىڭ ءبارى ايەل ادامنىڭ كوز الدىندا بولعان. الايدا ول قانداي دا ءبىر قارسىلىق كورسەتپەي، ءبارىن ءۇنسىز قابىلدايدى. 
كۇدىكتىلەر ق ر قىلمىستىق كودەكستىڭ 99-بابى، ياعني «كامەلەتتىك جاسقا تولماعان ادامدى ءولتىرۋ» بابىمەن قاماۋعا الىنعان. ءقازىر تەرگەۋ امالدارى جالعاسۋدا. اتالمىش ءىس بويىنشا سوت وتىرىسى اعىمداعى جىلدىڭ ءساۋىر ايىنا بەلگىلەنگەن.