ۇلىبريتانيا پرەمەر-مينيسترى تەرەزا مەي ەلدىڭ ەو-دان شىعۋ تۋرالى كەلىسسوزدى باستاعىسى كەلەتىنىن ەسكەرتەتىن رەسمي حاتقا قول قويدى.
Reutersء-تىڭ حابارلاۋىنشا، اگەنتتىك تىلشىلەرى ەو كەڭەسىنىڭ پرەزيدەنتى دونالد تۋسككە بۇگىن تاپسىرىلۋى ءتيىس حاتتىڭ كوشىرمەسىمەن تانىسقان. 2016 جىلى ماۋسىمدا وتكەن رەفەرەندۋمدا بريتاندىقتار ەو-دانى شىعۋدى قولداپ داۋىس بەرگەن. ۇلىبريتانيا ەو-عا 1973 جىلى قوسىلعان ەدى.
جوسپار بويىنشا، كەلىسسوز ەكى جىلعا سوزىلادى جانە بىرىككەن كورولدىك وداق قۇرامىنان 2019 جىلدىڭ ناۋرىزىندا رەسمي تۇردە شىعادى. ەو ەلدەرىنىڭ باسشىلارى ۇلىبريتانيانى قابىلداعان شەشىمى ءۇشىن جازالاماق نيەتتە ەمەسىن مالىمدەگەن. ءبىراق ەو اراسىندا نەگاتيۆتى كوڭىل-كۇي ارتىپ كەلەدى جانە وداق ەلدەرى ەو-عا مۇشەلىكتەن باس تارتۋ جەڭىل بولماعانىن قالايدى. تۋسك حاتتى العان سوڭ ەكى كۇن ىشىندە ەو-نىڭ وزگە 27 مەملەكەتىنە كەلىسسوز جۇرگىزۋ ەرەجەلەرىنىڭ جوباسىن ۇسىنۋى ءتيىس.
