تالدىقورعان قالاسىنداعى «يمان» مەشىتىنىڭ جاماعاتى انالارىن قۇرمەتتەپ، ارداقتاۋدىڭ ۇلگىسىن كورسەتەتىن وزگەشە شارا وتكىزدى.
جيىنعا قاتىسقان ءاربىر مۇسىلمان اناسىنا دەگەن ماحابباتىن شىن جۇرەكتەن ءبىلدىردى. اناسىنا اللادان دۇعا ەتىپ، اماندىعىن سۇراپ، قولدارىنان ءسۇيىپ، مۇباراك ءزامزام سۋىنان ۇسىندى جانە انالارىنىڭ اياعىن جۋىپ بەردى، دەپ حابارلايدى قمدب-نىڭ تالدىقورعان ءوڭىرى بويىنشا باسپا ءسوز قىزمەتى.
ءاز انالاردىڭ اياعىن جۋۋ ءراسىمىن وتكىزگەن سوڭ، انالار قاۋىمى ءوزىنىڭ بالالارىنا ريزاشىلىعىن ءبىلدىردى. حاديستە: «اللانىڭ رازىلىعى – اتا-انانىڭ رازىلىعىندا»، – دەلىنگەن.
پىكىر قالدىرۋ