ق ر پرەزيدەنتى نۇرسۇلتان نازاربايەۆتىڭ تاپسىرماسى بويىنشا قازاقستان پرەمەر-مينيسترى باقىتجان ساعىنتايەۆ اقتوبە وبلىسىنا كەلدى. دەپ حابارلايدى qamshy.kz

ب. ساعىنتايەۆتىڭ جۇمىس باعدارلاماسىندا ءوندىرىستى تەحنولوگيالىق جاڭعىرتۋ جانە سيفرلاندىرۋ ماسەلەلەرى بويىنشا ونەركاسىپتىك كاسىپورىنداردىڭ ۇجىمدارىمەن، سونداي-اق ناتيجەلى جۇمىسپەن قامتۋ جانە جاپپاي كاسىپكەرلىك مەملەكەتتىك باعدارلاماسىنىڭ جۇزەگە اسىرىلۋ ماسەلەلەرى بويىنشا وبلىس جۇرتشىلىعىمەن كەزدەسۋلەرى جوسپارلانعان. 

سونىمەن قاتار مەملەكەتتىك-جەكەشەلىك ارىپتەستىك اياسىندا سالىنعان ءىرى ينفراقۇرىلىمدىق، ءبىلىم بەرۋ جانە مەديسينا نىساندارىن ارالايدى دەپ جوسپارلانعان. سونداي-اق پرەمەر-مينيستر «نۇرلى جەر» باعدارلاماسى اياسىندا تۇرعىن ءۇي نىساندارىنىڭ قۇرىلىس بارىسىمەن تانىسادى. 

ايتا كەتەيىك، اقتوبە وبلىسىنىڭ قازاقستان ءۇشىن ماڭىزدى الەۋمەتتىك-ەكونوميكالىق ماڭىزى زور، ويتكەنى ق ر پرەزيدەنتىنىڭ تاپسىرماسىنا سايكەس مۇندا اۋقىمدى اگلومەراسيا دامىپ، زاماناۋي ۋربانيستىك ورتالىق قۇرىلادى. سونىمەن بىرگە، وبلىستا ءبىرقاتار ءىرى ونەركاسىپتىك جانە ينفراقۇرىلىمدىق كاسىپورىندار ورنالاسقان.

ەسكە سالا كەتەيىك، ق ر پرەمەر-مينيسترى قازاقستان وڭىرلەرىنە جۇمىس ساپارىن جالعاستىرۋدا. جوسپارلانعان كەستەدەگى ءبىرىنشى وبلىس شىعىس قازاقستان وبلىسى بولدى. بۇگىن باقىتجان ساعىنتايەۆ باتىس قازاقستان وبلىسىندا بولدى، ەندىگى اقتوبە وبلىسىنا كەلدى.

باقىتجان ساعىنتايەۆتى اقتوبە وبلىسىنداعى وزىق اگروتەحنولوگيالارمەن تانىستىردى

ق ر پرەمەر-مينيسترى باقىتجان ساعىنتايەۆ اقتوبە وبلىسىنا جۇمىس ساپارى بارىسىندا وڭىردەگى اسا ءىرى جىلىجاي كەشەندەرىنىڭ بىرىندە بولدى.

نىساندى ارالاۋ كەزىندە ق ر پرەمەر-مينيسترى گاز-تۋربينالى ستانسا جۇمىسىمەن، كوكونىستەردى ءوسىرۋدىڭ گوللانديالىق تەحنولوگيالارى قولدانىلاتىن جىلىجاي عيماراتىمەن تانىستى، سونداي-اق اۋىل شارۋاشىلىعى تەحنيكاسى مەن جابدىقتار كورمەسى پرەمەر نازارىنا ۇسىنىلدى.

گوللانديالىق تەحنولوگيا بويىنشا سالىنعان «گرين حاۋس قازاقستان» كەشەنى ءوز جۇمىسىن «قازاگروقارجى» اق قولداۋىمەن يندۋستريالدى-يننوۆاسيالىق دامۋ مەملەكەتتىك باعدارلاماسى اياسىندا جۇزەگە اسىرادى. جوبانىڭ جۇزەگە اسىرىلۋى ءوز ءوندىرىسى ەسەبىنەن وبلىستىڭ جاس كوكونىستەرگە دەگەن قاجەتتىلىگىن تولىعىمەن قامتاماسىز ەتۋگە، سونداي-اق ارتىق ءونىمدى ەكسپورتقا جىبەرۋگە مۇمكىندىك بەرەدى.

پرەمەر-مينيسترگە ەكسپورتتى ۇلعايتۋ جونىندە جۇرگىزىلىپ جاتقان جۇمىستار تۋرالى، سونىمەن قاتار مەملەكەت باسشىسىنىڭ تاپسىرمالارىنىڭ ورىندالۋى، اتاپ ايتقاندا، اۋىل شارۋاشىلىعى ونىمدەرىن وڭدەۋ دەڭگەيىن ارتتىرۋ، سۋارىلاتىن جەرلەردى قالپىنا كەلتىرۋ، اۋىل شارۋاشىلىعى كووپەراتيۆتەرىن قۇرۋ، سونداي-اق اۋىل شارۋاشىلىعى سالاسىندا عىلىمنىڭ دامۋى تۋرالى باياندالدى.

ايتا كەتۋ كەرەك، اوك-تىڭ دامۋى ەلىمىزدىڭ جاقىن بولاشاقتاعى باسىمدىقتى باعىتتارىنىڭ ءبىرى رەتىندە ايقىندالعان. وسى ورايدا 2017 جىلدان باستاپ ۇكىمەت 2017-2021 جىلدارعا ارنالعان اوك-تى دامىتۋدىڭ جاڭا مەملەكەتتىك باعدارلاماسىن جۇزەگە اسىرۋدى باستادى، ونىڭ باستى ماقساتى جينالاتىن ءونىمدى ارتتىرۋ جانە سالا كاسىپورىندارىنىڭ قايتا وڭدەۋ، جۇكتەلۋ ۇلەسىن كوتەرۋ بولىپ تابىلادى.