اقش پرەزيدەنتى دونالد ترامپتىڭ قىزى يۆانكا ترامپ پرەزيدەنتتىڭ ارنايى كەڭەسشىسى قىزمەتىن رەسمي تۇردە يەلەنەدى جانە قىزمەتتە مەملەكەتتىك قىزمەتكەرگە ارنالعان ەتنيكالىق نورمالارعا باعىنادى، دەپ جازدى ازاتتىق اق ءۇيدىڭ باسپا ءسوز قىزمەتىنە سىلتەمە جاساپ.
مالىمدەمە دەموكرات سەناتورلار وزدەرىنىڭ ەتيكالىق ماسەلەلەر جونىندەگى فەدەرالدىق باسقارماعا جولداعان حاتىن جاريالاعان سوڭ بىرنەشە ساعاتتان كەيىن جاسالدى. حاتتا سەناتورلار پرەزيدەنتتىڭ بيزنەسپەن اينالىساتىن قىزىنىڭ كەڭەسشى رەتىندە قىزمەت اتقارۋىنان مۇددەلەر قايشىلىعى تۋىنداۋى مۇمكىن دەپ دابىل قاققان. سەناتورلار فەدەرلادىق باسقارمادان پرەزيدەنتتىڭ قىزى بيزنەس اكتيۆتەرىن تاۋەلسىز باسقارۋعا بەرۋى ءتيىس پەن الدە ول بەلگىلى ءبىر مەملەكەتتىك قىزمەتتى اتقارماۋى كەرەك پە دەپ سۇراعان.
يۆانكا ترامپ «بارلىق ەتيكالىق نورمالاردى» ءوز ەركىمەن ورىنداسا دا مۇنداي سىندارعا جاۋاپ رەتىندە ترامپ اكىمشىلىگىندە رەسمي قىزمەتكە تۇرۋعا شەشىم قابىلداعانىن مالىمدەدى. يۆانكا ترامپ قىزمەتى ءۇشىن جالاقى المايدى.
پىكىر قالدىرۋ