بۇگىن قازاقستان ارمياسى – مەملەكەتتىڭ بارلىق ازاماتى ماقتانىشىنىڭ ءمانى، ال اسكەري قىزمەت قۇرمەتتى جانە ابىرويلى بولا الدى. قازاقستان رەسپۋبليكاسى تاۋەلسىزدىگىنىڭ وتكەن جىلدارىندا ءبىزدىڭ مەملەكەتىمىزدىڭ باسشىسى - قارۋلى كۇشتەردىڭ جوعارعى باس قولباسشىسى نۇرسۇلتان ءابىش ۇلى نازاربايەۆتىڭ تالماس قامقورلىعى ناتيجەسىندە شاعىن، ۇتقىر جانە جاۋىنگەرلىك ءازىر قارۋلى كۇشتەر قالىپتاستىرىلدى، ونىڭ نەگىزى جوعارى جاۋىنگەرلىك ماشىقتى كورسەتە الاتىن جەكە قۇرامنان تۇرادى.
قازاقستان ارمياسى اسكەرگە شاقىرۋ بويىنشا دا جانە كەلىسىمشارت بويىنشا دا ارالاس تاسىلمەن جاساقتالادى. ونىڭ ءىس-قيمىلىنىڭ بارلىق سالاسىنا الەمدىك تاجىريبەگە نەگىزدەلگەن ەڭ جاڭا جانە وزىق تاجىريبە ەنگىزىلەدى. جەكە قۇراممەن جاساقتاۋ، ونىڭ ىشىندە اسكەرگە شاقىرۋ دا ارتتا قالعان جوق.
بۇل رەتتە، 2017 جىلعى كوكتەمگى اسكەرگە شاقىرۋ قازاقستان رەسپۋبليكاسى قارۋلى كۇشتەرىنىڭ 25 جىلدىعىن مەرەكەلەۋ كەزەڭىندە جۇرگىزىلەتىن بولادى.
وسىعان بايلانىستى وڭىرلەردە جاڭا شاقىرىلعانداردى ارمياعا سالتاناتتى تۇردە شىعارىپ سالۋدى ۇيىمداستىرۋ، اسكەري انت قابىلداۋ ءداستۇرىن اشىق الاڭداردا، قالالار مەن اۋدانداردىڭ تاريحي ماڭىزدى جەرلەرىندە قوعامنىڭ جانە باق-نىڭ توپتارىن كەڭىنەن تارتا وتىرىپ وتكىزۋ جوسپارلانۋدا.
ويتكەنى، اسكەري-پاتريوتتىق جۇمىس ءوسىپ كەلە جاتقان ۇرپاقتىڭ بيىك پاتريوتتىق سەزىمىن جانە مەملەكەتتىڭ ءوز وتانىن قورعاۋعا ءازىر ازاماتىنىڭ ادامگەرشىلىك قاسيەتىن قالىپتاستىرۋعا ىقپال ەتۋى ءتيىس.
سونىمەن بىرگە، اسكەري قىزمەت ءبىزدىڭ مەملەكەتىمىزدىڭ ۇلتتىق ەگەمەندىگىن ساقتاۋدىڭ نەگىزى بولدى، بولا الدى جانە بولادى دا. تيىسىنشە، جاستاردى تاربيەلەۋ جانە ونى وتاندى قورعاۋعا دايىنداۋ مەملەكەتتىك قۇرىلىمنىڭ دا قوعامنىڭ دا ەڭ ماڭىزدى مىندەتى بولىپ تابىلادى.
پىكىر قالدىرۋ