76 جاستاعى اجەي ينسۋلت الىپ قۇلاپ قالعان، ونىڭ 5 جاستاعى نەمەرەسى ەش ساسپاستان ۇلكەن كىسىلەردى كومەككە شاقىرىپ، جەدەل جاردەم قىزمەتىنە قوڭىپاۋ شالىپ، دەر كەزىندە كەلىپ جەتتى.

وقيعا كەشە، ياعني 29 ناۋرىز كۇنى تۇسكى ۋاقىتتا ورىن العان، دەپ حابارلايدى ۋستينكا LIVE، مالىمەتتىڭ قازاقشا نۇسقاسىن «قامشى» پورتالى وقىرمان نازارىنا ۇسىنادى.

زەينەتكەر جامالتاي ماكەبايەۆا ءۇرجاردان نەمەرەسىمەن بىرگە تۋستارىنا قوناققا كەلگەن. اجەسى مەن نەمەرەسى ۇيدە جالعىز قالعان ۋاقىتتا اياق استىنان قارت كىسىنىڭ دەنساۋلىعى ناشارلاپ كەتكەن. قان قىسىمى كوتەرىلىپ، وڭ اياعى مەن قولى ىستەمي قالعان. بەس جاستاعى ءاليجان قاناتوۆ ەسىمدى بالاقاي ەش ساسپاستان تۋىستارىنا قوڭىراۋ شالعان، الايدا بايلانىسقا تۇسە الماعاندىقتان، كوشەگە جۇگىرىپ شىعىپ ارى-بەرى ءوتىپ جاتقان ۇلكەن كىسىلەردىڭ كومەگىنە جۇگىنگەن. باقىتىنا وراي، بالانىڭ ايقايلاعان داۋىسىن كورشىسى ەستىپ، دەرەۋ جەدەل جاردەم شاقىرعان. ءقازىر قارت اجەي اۋرۋحانادا.

«اجەمىزدىڭ ميىنا قان قۇيىلعان ەكەن. دارىگەرلەردىڭ ايتۋىنشا، ءسال كەشىكسەك اجەمىزدەن ايىرىلادى ەكەنبىز. ەگەر ءاليجان بولماعاندا اجەمىزدىڭ جاعدايى نە بولاتىنىن ويلاعىم دا كەلمەيدى»، - دەپ مالىمدەدى اجەيدىڭ ۇلكەن نەمەرەسى ماديار قالييەۆ.

ءقازىر اجەي اۋرۋحانادا جاتىر، دەنساۋلىعى قالىپتى جاعدايدا. ال تۋىستارى بولاشاقتا ءاليجاننىڭ قۇتقارۋشى بولعاندىعىن قالايدى.

اۋدارعان: نازەركە لابيحان