ەگەر عاجايىپقا سەنەتىن بولساڭىز، ول مىندەتتى تۇردە ورىندالادى. ءتىپتى، ەڭ ۇلكەن سىيدىڭ ءوزىن قوقىس جاشىگىنەن تابۋعا بولادى ەكەن. بۇعان تومەندەگى وقيعا دالەل.

وقيعا وسىدان 8 جىل بۇرىن قىتايدا ورىن العان. سيۋن ەسىمدى قايىرشى وزىنە جەيتىن ازىق تابۋ ءۇشىن ءار كۇنى كوشەلەردەگى قوقىس جاشىگىن اقتارۋمەن وتەدى. سونداي ءبىر كۇندە سيۋن قوقىس جاشىگىنىڭ ىشىنەن بالانىڭ جىلاعان داۋىسىن ەستيدى. ءۇڭىلىپ قاراسا، كورپەگە ورانعان ءسابي جاتىر ەكەن. كورپەسىندە «2007 جىلى 15 قازاندا دۇنيەگە كەلگەن» دەگەن جازۋى بار قاعاز تابىلدى. سيۋن ءبىر امالىن قاراستىرماسا، ءسابيدىڭ ءولىپ كەتۋى مۇمكىن ەكەنىن ءتۇسىندى. ءسويتىپ، ءوزى كومەكتەسۋگە بەل بايلايدى.

سول كۇننەن باستاپ ەكى ادامنىڭ ءومىرى تۇبەگەيلى وزگەرەدى.

العاشىندا ەر ادام ءسابيدى بالالار ۇيىنە اپارماق بولادى. الايدا، ەشبىرىندە ورىن بولماي، باسشىلارى قابىلداۋدان باس تارتقان. بۇل دا ءبىر تاعدىردىڭ بەرگەن سىيى شىعار دەپ سيۋن ءسابيدى ءوزى تۇرىپ جاتقان كىشكەنتاي عانا ۇيىنە الىپ كەتەدى.

سيۋننىڭ ايەلى دە بولعان. ءبىراق، بۇنداي جوقشىلىققا شىداي الماعان ول ۇيىنەن كەتىپ قالادى، ءبىراز ۋاقىتتان سوڭ زاڭسىز جەردە ورنالاسقان ۇيلەرىن دە بۇزىپ تاستايدى. سابيمەن دالادا قالعان سيۋن قايتسە دە قىز بالانى وسىپ-جەتىلدىرەمىن دەپ ويلايدى. وعان يانيان دەگەن ەسىم قويادى. ءوزىنىڭ ءىشۋىن دوعارادى. جامان ارەكەتتەرىنەن ارىلادى. ناعىز اكە بولۋعا تىرىسادى. 

سيۋن مەن ءسابي نانچان قالاسىنىڭ ورتالىق كوپىرىن پانالاپ، كۇن كەشەدى. بالانى ءوز قىزىنداي قابىلداعان ەر ادام ءوزى اش قالسا دا، قىزىن ەشتەڭەدەن تارىقتىرعان ەمەس. «قانشالىقتى قيىن بولسا دا، مەن قىزىمدى ءوزى ەر جەتىپ، ءوز كۇشىمەن اقشا تابا الاتىنداي جاعدايعا جەتپەيىنشە تاستاپ كەتپەيمىن» دەپ جۇرەتىن ادامدارعا.

سونداي-اق، يانياننىڭ قىلىقتارى دا ءتاتتى بولعان ەكەن. ول وقىعاندى جاقسى كورگەن، ولەڭ وقىپ، ءان ايتىپ كوپىر استىنداعى وزدەرى سەكىلدى ادامداردى ءاردايىم كوڭىلدەندىرىپ وتىراتىن. الايدا، سيۋن قىزىنىڭ جاسى 8-گە كەلدى، ءبىراق ءالى مەكتەپكە بارماي جۇرگەنىنە الاڭداۋلى. ەكەۋىنىڭ دە تىركەۋ قۇجاتتارى بولماعاندىقتان، قىز ەشقانداي مەكتەپتە ءبىلىم الا المايتىن كورىنەدى. سول سەبەپتى، سيۋن مەن باسقا دا ۇيسىزدەر قىزعا وزدەرى وقىپ-جازۋدى، ءتىپتى اريفمەتيكانىڭ نەگىزىن ۇيرەتەدى.

دالادا وسكەنىنە قاراماستان قىزدىڭ دەنساۋلىعىندا ەشقانداي اقاۋ جوق. سيۋن دا بالاسىنان ءوزىنىڭ بار جىلۋلىعىن اياماعان. ونى ومىرىنەن دە ارتىق جاقسى كورەدى ەكەن. ءوزى تۇكسىز قالسا دا، قىزىن قالاي دا ادام قىلاتىنىنا ءۇيسىز ەر ادام سەنەدى. بۇل وقيعانى وقىعان فەيسبۋك قولدانۋشىلار وزدەرىنىڭ كومەكتەرىن ايامايتىنىن جارىسا جازىپ جاتىر. ناتيجەسى وڭ بولار دەپ سەنەمىز.