«قامشى» پورتالى وقىرمان نازارىنا 5 ناۋرىز كۇنى الماتىداعى احمەت بايتۇرسىن ۇلى مۋزەي-ۇيىندە وتكەن الاش ارىستارىنا ارنالعان استان بەينەماتەريال مەن فوتوسۋرەتتەردەن ەستەلىكتى ۇسىنادى. ۆيدەونى ءالي الەش ۇلى، فوتوسۋرەتتەردى ارداق تولەۋباي تۇسىرگەن.

استى «قامشى» اقپاراتتىق اگەنتتىگى ۇيىمداستىردى. سونداي-اق استىڭ وتۋىنە احمەت بايتۇرسىن ۇلىنىڭ ءوزى تۇرعان، قازاق ينتەلليگەنسياسىنىڭ ءىزى قالعان بايتۇرسىن ۇلى ۇيى-مۋزەيىنىڭ ديرەكتورى رايحان ساحىبەك قىزى قولداۋ ءبىلدىردى. ايتا كەتسەك، بۇگىن الاش كوسەمى ءاليحان بوكەيحاننىڭ تۋعان كۇنى. سونداي-اق بيىل الاش ارىستارى اتىلعان قاندى «37»-گە دە 80 جىل تولدى. 

اسقا پرەزيدەنت اكىمشىلىگى جەتەكشىسى ورىنباسارى مارات ءتاجين ارناۋلى قۇتتىقتاۋ حاتىن جولدادى. استى تانىمال جۋرناليست، الاش اسكەرى تۋرالى زەرتتەۋلەر جاساعان بولات ءمۇرسالىم جۇرگىزدى. اسقا جينالعان قاۋىم الدىمەن قازاقستان مۇسىلماندار ءدىني باسقارماسى باس ءمۇفتيى ەرجان قاجى مالعاجار ۇلى مايەمەروۆپەن بىرگە الاش قايراتكەرلەرىنە، عاسىر بۇرىن قازاقستاننىڭ ىرگەتاسى الاش وردا اۆتونوميالىق مەملەكەتىن قۇرعان بابالارىمىزعا قۇران باعىشتادى.

اسقا الاشتانۋشى عالىم مامبەت قويگەلدى، پرەزيدەنتتىڭ پارلامەنتتەگى وكىلى سابىر قاسىموۆ، الماتى قالاسى اكىمىنىڭ ورىنباسارى سۇلتانبەك ماكەجانوۆ، الاش قايراتكەرلەرىنىڭ جارقىن وكىلى مۇحتار اۋەزوۆتىڭ ۇلى، عالىم مۇرات اۋەزوۆ، ءاليحانتانۋشى عالىم سۇلتانحان اقق ۇلى، «قازاقستان رترك» باسقارما باسشىسىنىڭ ورىنباسارى قاينار ولجاي، اقجول پارتياسى ءتوراعاسى ورىنباسارى، قازاق ءۇنى گازەتىنىڭ باس رەداكتورى قازىبەك يسا، قازاقستان جازۋشىلار وداعىنىڭ باسشىسى ورىنباسارى مارالتاي رايىمبەك پەن جاناربەك ءاشىمجان، تۇران ۋنيۆەرسيتەتىنىڭ رەكتورى راحمان الشانوۆ، سونداي-اق ەلدەگى بەدەلدى ب ا ق وكىلدەرىنىڭ باسشىلارى دەرلىك اسقا كەلدى. ولاردىڭ ىشىندە «جاس الاش» گازەتىنىڭ باس رەداكتورى رىسبەك سارسەنباي، «جەتىسۋ» تەلەارناسىنىڭ باس ديرەكتورى ورىنباسارى سەرىك ابىكەن ۇلى، «ايقىن» گازەتىنىڭ باس رەداكتورى نۇرتورە ءجۇسىپ، «قازاق گازەتتەرى» ءجشس-نىڭ باس ديرەكتورى-رەداكتورلار كەڭەسىنىڭ ءتوراعاسى جۇمابەك كەنجالين، «انا ءتىلى» گازەتىنىڭ باس رەداكتورى سامات يبرايم، «اسىل ارنا» تەلەارناسىنىڭ باسشى مۇحامەدجان تازابەك، «پرەزيدەنت جانە حالىق» گازەتىنىڭ باس رەداكتورى مارات توقاشبايەۆتار، سونداي-اق تانىمال جۋرناليستەر سەرىك اباس-شاح، ارمان سقابىل ۇلى، ساياساتتانۋشى ايدوس سارىمدار بار. تاريحشى عالىمدار بەيبىت قويشىباي، قايرات ساق، ءنابيحان مۇحامەدجان استىڭ قۇرمەتتى قوناقتارى بولدى. ءارى اسقا تورعاي وڭىرىنەن، شىعىس قازاقستان وبلىسىنان، وڭتۇستىك قازاقستان وبلىسىنان رەسمي قوناقتار كەلدى.