بۇگىن «نۇر وتان» پارتياسى استانادا مەملەكەتتىك قىزمەتتى رەفورمالاۋ ماسەلەلەرى جونىندە پارتيالىق اشىق تىڭداۋلار وتكىزدى. دەپۋتاتتاردىڭ ساۋالدارىنا مەملەكەتتىك قىزمەت ىستەرى جانە جەمقورلىققا قارسى كۇرەس اگەنتتىگىنىڭ ءتوراعاسى قايرات قوجامجاروۆ، ق ر باس پروكۋرورىنىڭ ورىنباسارى اندرەي كراۆچەنكو، ق ر ىشكى ىستەر ءمينيسترىنىڭ ءبىرىنشى ورىنباسارى مارات دەمەۋوۆ، سونداي-اق، ءبىرقاتار مينيسترلىكتەر مەن ءوڭىر اكىمدەرىنىڭ باسشىلارى جاۋاپ بەردى.
وتىرىستى اشقان «نۇر وتان» پارتياسى ءتوراعاسىنىڭ ءبىرىنشى ورىنباسارى بيىلعى جىلى مەملەكەت باسشىسىنىڭ باستاماسىمەن قازاقستان كونستيتۋسياسىنا تاريحي تۇزەتۋلەردىڭ ەنگىزىلىپ، ول مەملەكەتتىك باسقارۋدىڭ تۇبەگەيلى جاڭا ۇلگىسىنىڭ نەگىزىن قالاعانىن اتاپ ءوتتى.
«اتقارۋشى بيلىكتىڭ وكىلەتتىگى ايتارلىقتاي ۇلعايدى، سونىمەن بىرگە بارلىق دەڭگەيدەگى مەملەكەتتىك قىزمەتكەرلەردىڭ قابىلدايتىن شەشىمدەرىنە بايلانىستى جاۋاپكەرشىلىگى دە كۇشەيدى. سوندىقتان ساپالى جاڭا اپپاراتتى قالىپتاستىرۋ جونىندەگى ەلباسى العا قويعان مىندەتتەر مۇلتىكسىز ورىندالۋى ءتيىس. بىزگە زاڭدىلىقتى قاتاڭ ساقتايتىن، كاسىبي جاعىنان بىلىكتى جانە جاۋاپكەرشىلىگى زور مەملەكەتتىك قىزمەتكەرلەر كەرەك»، - دەپ اتاپ ءوتتى مۇحتار قۇل-مۇحاممەد.
