2014 جىلدىڭ مامىرىندا الماتى قالاسىنىڭ بيلىگى ۆيكتور حراپۋنوۆ پەن ونىڭ قوسىلما تۇلعالارىنا قارسى اقش-تاعى كاليفورنيا شتاتىنىڭ سوتىنا ارىز تۇسىرگەن بولاتىن. پروسەسس قازاقستان رەسپۋبليكاسىنىڭ ادىلەت مينيسترلىگىنىڭ زاڭگەرلىك قاداعالاۋىمەن ءوتتى. تاراپتاردىڭ مالىمەتتەردى اشۋ پروسەدۋرالارىنىڭ ناتيجەسىندە قازاقستاننان شىعارىلىپ، جىمقىرىلعان اكتيۆتەر انىقتالعان.

«قىلمىستىق قۋدالاۋدان جانە جىمقىرعان قاراجاتىنىڭ تاركىلەنۋىنەن ساقتانعان ۆيكتور حراپۋنوۆ پەن مۇحتار ءابليازوۆ اقش قۇزىرەتىنىن اكتيۆتەردى شۇعىل شىعارۋ ماقساتىندا مۇلىكتى ساتا باستاعان. ناقتىراق ايتقاندا، نيۋ-يوركتەگى اپارتامەنتىنىڭ ءقوناقۇيدى قايتا قۇرىلىمداۋ بويىنشا جوبالارعا ايتارلىقتاي جەڭىلدىكتەر جاسالعان. قۇيىلعان 40 ميلليون دوللاردىڭ ورنىنا ءابليازوۆ پەن حراپۋنوۆ ءوز ۇلەستەرىن 21 ميلليون دوللارعا ساتۋعا تىرىسقان. الايدا ولاردىڭ اراسىندا جانە ديەۆەلوپەردىڭ اراسىندا سوت داۋ شىققان. بۇل پروسەسسكە بتا بانكىنىڭ، الماتى اكىمدىگىنىڭ جانە قازاقستان رەسپۋبليكاسىنىڭ ادىلەت مينيسترلىگى ارالاستى. ناتيجەسىندە 21 ميلليون دوللار كولەمىندەگى قاراجاتتى وتكىزۋگە تىيىم سالىندى. قازىرگى ۋاقىتتا اقش-تىڭ فەدەرالدى سوتىندا جانە نيۋ-يورك شتاتىنىڭ سوتىندا توقتاتىلعان قاراجاتتى قايتارۋ بويىنشا جۇمىستار جۇرگىزىلىپ جاتىر»، - دەپ حابارلاعان مينيسترلىكتەگىلەر.

الايدا، كەيىن بۇل مالىمدەمەنى كاليفورنيا شتاتىنىڭ ايماقتىق سوتى قاراۋدان باس تارتقان ەدى. سودان الماتى اكىمدىگى مەن ق ر ادىلەت مينيسترلىگىندەگىلەر كاليفورنيا شتاتىنىڭ اپەللياسيالىق سوتىنا نارازىلىق ءبىلدىرىپ، ءوتىنىش قالدىردى.

وسىلايشا ەكىنشى ينستانسيالى سوت قازاقستان رەسپۋبليكاسىنىڭ بۇل ءوتىنىشىن قاناعاتتاندىرىپ، ايماقتىق سوتتىڭ شەشىمىن وزگەرتتى.

«قازاقستان رەسپۋبليكاسى اقش-تىڭ سوتىن ءوز پوزيسياسىنىڭ دۇرىس ەكەندىگىنە كوز جەتكىزە ءبىلدى. اتالعان شەشىم جەمقورلىقپەن كۇرەس سالاسىنداعى ۇزدىكسىز جۇمىستىڭ ناتيجەسى بولىپ تابىلادى. ەندى الماتى قالاسىنىڭ حراپۋنوۆتارعا قارسى شاعىمى كاليفورنيا سوتىندا قاراستىرىلاتىن بولادى»، - دەدى ادىلەت مينيسترلىگىندەگىلەر.