30 ناۋرىز كۇنى ۇلتتىق ەكونوميكا ۆيسە-مينيسترى ءابىلقاسىموۆا م.ە. ق ر ءماجىلىس پارلامەنتى قارجى جانە بيۋدجەت كوميتەتىندە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە بيۋدجەت زاڭناماسىن جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ق ر زاڭىن ىسكە اسرىۋ تاقىرىبىندا وتكىزىلگەن دوڭگەلەك ستولىندە بايانداماسىن جاسادى دەپ حابارلايدى qamshy.kz.
ءوزىنىڭ بايانداماسىندا ۇەم وكىلى دەپۋتاتتاردىڭ كوڭىلىن «100 ناقتى قادام» - ۇلت جوسپارىنىڭ مەملەكەتتىك جوسپارلاۋ جۇيەسىن جەتىلدىرۋ ماقساتىندا ناتيجەگە باعدارلانعان ءىس-شارالارىنا اۋداردى.
اسىرەسە ءابىلقاسىموۆا 2016 جىلدان باستاپ ۇلت جوسپارىنىڭ 91- قادامى ورىندالۋى بارىسىندا ناتيجەلەردىڭ دەربەس جاۋاپكەرشىلىگىن قامتاماسىز ەتۋ ءۇشىن، مەملەكەتتىك ورگاننىڭ ءبىرىنشى باسشىسىمەن جانە پرەزيدەنت اكىمشىلىگىنىڭ باسشىسى، پرەمەر-مينيسترمەن مينيسترلەر جانە اكىمدەر اراسىندا جاسالعان مەموراندۋمداردا بەكىتىلگەن ءتۇيىندى نىسانالى ينديكاتورلار ەنگىزىلگەنىن اتاپ ءوتتى.
2015 جىلى 92- قادام اياسىندا مەملەكەتتىك باعدارلامار سانى 10-نان 8-گە دەيىن قىسقاردى، 5 ۇكىمەتتىك باعدارلاما بەكىتىلدى، جاڭا مەملەكەتتىك جانە ۇكىمەتتىك باعدارلامالاردى ازىرلەۋگە قويىلاتىن تالاپتار كۇشەيتىلدى.
مەملەكەتتىك ورگاندار قىزمەتىن ناتيجەلەرگە باعىتتاۋ ماقساتىندا ستراتەگيالىق جوسپار، اۋماقتاردى دامىتۋ باعدارلاماسى جانە بيۋدجەتتىك باعدارلاماسى قايتا پىشىمدەلدى، سونداي-اق رەسپۋبليكالىق بيۋدجەتتىك كوميسسيانىڭ جۇمىسى وزگەرتىلدى.
93 قادامعا سايكەس مەملەكەتتىك اپپاراتتىڭ جۇمىسىن باعالاۋ جۇيەسىنىڭ جاڭا مودەلىن ەنگىزۋ كوزدەلگەن.
2017 جىلدان باستاپ سىرتقى تاۋەلسىز باعالاۋ ينستيتۋتى ەنگىزىلۋدە، ونىڭ ىشىندە مەملەكەتتىك ورگانداردىڭ جۇمىسىن باعالاۋ ءۇشىن قوعامدىق كەڭەستەر مەن تاۋەلسىز ساراپشىلاردى تارتۋدى، باعالاۋ ناتيجەلەرىن ينتەرنەت-پورتالىندا جاريالاۋ، باعالاۋدىڭ 5 باعىتىن 3 بلوككا دەيىن وڭتايلاندىرۋ كورسەتىلەدى.
