"قامشى" اقپاراتتىق اگەنتتىگى جاعا ۇستاتارلىق جايتقا تاپ بولدى. ءبىزدىڭ پوشتامىزعا قازاقستاندىق گەيلەردىڭ قۇقىعىن قورعاۋ قاجەتتىگى تۋرالى حات كەلىپ تۇسكەن ەكەن. قوعامنىڭ پىكىرى قاشان دا ماڭىزدى. مىنا سۇمدىق جاعدايعا بەي-جاي قاراي الماعان اگەنتتىك ۇجىمى حاتتى جاريالاپ، قۇزىرلى ورگانداردان مۇنداي ۇلتتى قارالايتىن جايتتاردىڭ الدىن الۋلارىن سۇرايدى.
"تاۋەلسىزدىكتىڭ شۋاعىنا شومىلىپ تۋىلىپ، بولەنىپ وسكەن ۇرپاق جاڭا زامان ءۇنىن ەستىدى! زامان ءۇنى ءبىزدى ادام تەڭدىگى مەن قۇقىقتارى ءۇشىن كۇرەسۋگە، ادامگەرشىلىك پەن ابىروي جولىندا تەر توگۋگە شاقىرادى. ۋاقىت كەلدى! ەندى جاڭا زامان قازاقتىڭ گەي ۇلدارى مەن قىزدارىنا ۇندەۋ تاستايدى"، - دەپ باستاعان ءوز ۇندەۋ حاتتارىندا.
سونىمەن قاتار، وزدەرىنىڭ سەزىمدەرىن "حارام دەپ ايىپتادى" دەگەن رەنىشتەرىن دە بىلدىرگەن. وزدەرىن "قازاقستاننىڭ تولىققاندى ازاماتىمىز جانە دە قازاقتار دا زامان تالابىنا ساي وزگەرىپ وتىرۋلارى قاجەت دەگەن"، - پىكىردى ۇستانعاندار بىر-بىرلەرىن "گەي ازامات" دەپ شاقىرادى.
ەڭ سوراقىسى: "قازاقتىڭ گەي ۇلى مەن قىزى، سەنىڭ بار بولۋعا جانە سول شىنايى بولمىسىڭدى جاريا ەتىپ، وزگە جۇرتپەن تەڭ بولىپ ءومىر سۇرۋگە قۇقىعىڭ بار. ول قۇقىق ءبىزدىڭ حالىقتىڭ ەجەلدەن قانىنا سىڭگەن باستى قۇندىلىعىنا نەگىزدەلگەن"، - دەگەن سوزدەرىنىڭ استارىندا قوعام ءبىزدى وسى كۇيىمىزدە قابىلداپ، ءبىزدى قولداۋى كەرەك دەگەن وزدەرىنىڭ سوراقى ساياساتى جاتقاندىعىن اڭعارۋىمىزعا بولامىز. وزدەرىنىڭ بۇل ىس-ارەكەتتەرىن جىنىستىق-پسيحولوگيالىق اۋرۋعا شالدىققاندار دەپ ەمەس، كەرىسىنشە "جۇرە پايدا بولعان ءومىر سالتى، زامانۋي مودا" دەپ ءتۇسىندىرىپ، قازاق ۇلتىنىڭ نامىسىنا تيەتىن سوزدەردى جازىپ قالدىرعان.
گەي جانە بيسەكسۋالداردىڭ قاشاننان بەرى قازاققا باۋىر بولعانىن بىلمەيمىز، الايدا بۇلار "قازاق ەشقاشان ءوز باۋىرىن سىرتقا تەپپەگەن" دەپ وزدەرىن قازاق ۇلتىنىڭ ءبىر مۇشەسى رەتىندە بارشا قازاقتارعا باۋىر، تۋىسپىسز دەپ سانايدى ەكەن.
ەستەرىڭىزگە سالا كەتسەك، بىرنەشە كۇن بۇرىن قازاقستاندىق گەي، بيسەكسۋالداردىڭ قۇقىعىن قورعايتىن جاڭا پورتال اشىلدى دەگەن مازمۇندا اقپارات جاريالاعان بولاتىنبىز. جوعارىداعى حاتتى ءدال سول پورتالدىڭ جاۋاپتى تۇلعالارى جىبەرگەن.
سونىمەن قاتار بىرنەشە وتاندىق اقپاراتتىق سايتتارعا ۇندەۋلەرىن تاراتىپ جاتىر. بۇل دەگەنىمىز - قازاقستاندىق گەي، بيسەكسۋالدار بوي كوتەرىپ، ءوز قۇقىقتارىن العا تارتۋعا كوشكەن. قازاقى مەنتاليتەتىمىزگە جات، مۇنداي وعاش قىلىقتار قوعامنىڭ نارازىلىعىن تۋدىرماي قويمايدى.
ەل اراسىنا ىلاڭ تۋدىرىپ وتىرعان بۇنداي پسيحولوگيالىق اۋرۋعا دۋشار بولعاندار ەندىگى كەزەكتە بارشى جۇرتشىلىقتىڭ نازارىن وزدەرىنە قاراتىپ وتىر. مۇنداي ازعىندىقتى دەر كەزىندە اۋىزدىقتاماسا، ءۇنسىز قالىپ، ارتى ۇلتتىق دۇربەلەڭگە اكەلىپ سوعۋى ابدەن مۇمكىن.
