جۇڭگو مەن زامبيا ەلدەرىنىڭ اراسىندا حالىقارالىق جانجال تۋدى. ونىڭ كەڭ بەلەڭ العانى سونشالىق جۇڭگو ۇكىمەتى الەمدىك ۇيىمداردىڭ الدىندا اقتالىپ، زامبيا بيلىگىنىڭ كەشىرىم سۇراۋىن تالاپ ەتتى. جانجال، زامبيانىڭ بۇقارالىق اقپارات قۇرالى «جۇڭگو ادام ەتىنەن جاسالعان ەت ساتادى» دەپ اقپارات تاراتقاننان باستالدى.
بارلىعى الەۋمەتتىك جەلىدە قىتايدىڭ ەت جاسايتىن كومبيناتتارى قايتىس بولعان ادامداردىڭ ەتىن وندەپ، كونسەرۆىمەن زامبيا ەلىنە ەكسپورتتالادى دەگەن اقپاراتتىڭ شىعۋىمەن باستالدى. وعان قوسىمشا رەتىندە «ادامنىڭ ەتى» دەگەن اتاۋمەن فوتولار قوسىمشا بەرىلدى.
باق-تا بۇل اقپارات پەن فوتو تەز تارالىپ، حالىق اراسىندا نارازىلىق تۋدىردى. زامبيانىڭ اقپارات قۇرالدارى ناقتى كومبيناتتاردىڭ اتىن اتاپ، فوتولاردى جاريالاعاننان كەيىن جۇڭگو زامبيالىق باق-تى تەكسەرىلمەگەن جالعان اقپارات تاراتتى دەپ ايىپتاعان. ماقالادا قىتايدا قايتىس بولعانداردىڭ دەنەسىن كومەتىن جەر بولماعاندىقتان، ودان پايدا كورىپ، ساتىلىمعا شىعاردى دەگەن ماعىناداعى ايىپتاۋلار بار. ءتىپتى قىتايدا ادامنىڭ ەتى قىمبات بولعاندىقتان ونى قالتالى ادامدار عانا جەي الادى دەگەندەرى دە بولدى. وسىدان كەيىن زامبيانىڭ قىتايداعى ەلشىسى يانگ يۋمينگ رەسمي تۇردە جوعارىدا اتالىپ وتكەن اقپاراتتاردىڭ بارلىعىن جوققا شىعاردى.
تەكسەرىس بارىسىندا اقپاراتتىڭ جالعان ەكەندىگى انىقتالدى. ال فوتو لوندونداعى سميتفيلد بازارىندا جارنامالىق كومپانيانىڭ تۇسىرگەن فوتوسى بولىپ شىقتى.
زامبيانىڭ قورعانىس ءمينيسترىنىڭ ورىنباسارى كريستوفەر مۋلەنگ جۇڭگو ۇكىمەتىنەن كەشىرىم سۇراپ، جالعان اقپارات تاراتقانداردى جازالاۋدى قولعا الاتىنىن ايتتى. تەكسەرىس جۇمىستارى باستالىپ كەتتى.
