31 ناۋرىز كۇنى «ازاماتتىق باستامالاردى قولداۋ ورتالىعى» (ارى قاراي – ابقو) مەملەكەتتىك گرانتتارعا يە بولعان ۇكىمەتتىك ەمەس ۇيىمدارمەن الەۋمەتتىك جوبالاردى ىسكە اسىرۋ بويىنشا كەلىسىمگە قول قويدى. ول جايىندا ابقو باسقارما ءتوراعاسى نۇرلان وتەشيەۆ مالىمدەدى.

الەۋمەتتىك ماڭىزى بار جۇمىستاردى ىسكە اسىرۋ ءۇشىن 11 باعىت بويىنشا 42 جوبا مەملەكەتتىك قولداۋعا يە بولدى. گرانتتار بويىنشا جۇمىس اعىمداعى جىلدىڭ سوڭىنا دەيىن جالعاسادى. كونكۋرس ناتيجەلەرى 14 ناۋرىزدا جاريالانعان بولاتىن. ول تۋرالى نۇرلان وتەشيەۆ ايتىپ بەردى: «شەشىم شىعارىلعان كۇننەن كەيىن ابقو كۇنتىزبەلىك جوسپار مەن قارجى كولەمى جايىندا ايقىنداۋ جۇمىستارىن جۇرگىزدى. ءاربىر جوبا قوعام ءۇشىن ماڭىزدى جانە ءبىز، ازاماتتىق سەكتور رەتىندە، اتالمىش جوبالاردىڭ ساپالى ىسكە اسۋىنا مۇددەلىمىز. جەڭىمپازدار قاتارىندا «جاس ۇلان» ءبىرىڭعاي جاستار مەن بالالار ۇيىمى، «قازاقستاننىڭ ىسكەر ايەلدەرى قاۋىمداستىعى» قوعامدىق بىرلەستىگى سىندى رەسپۋبليكالىق ۇيىمدارمەن قاتار ايماقتىق ۇيىمدار بار. سونداي-اق، ساراپشىلىق كوميسسيا ۇسىنىسى بويىنشا قازىرگى ۋاقىتتا قوعامدىق مونيتورينگتى جۇرگىزۋ مەن ونىڭ ناتيجەسى بويىنشا ەسەپ بەرۋ ادىستەمەسى جاسالىنىپ جاتىر. ءبىز ۇكىمەتتىك ەمەس ۇيىمداردىڭ وسى ماسەلە بويىنشا ۇسىنىستارىن تالقىلاۋعا ءازىرمىز».

گرانتتىق قارجىلاندىرۋعا يە بولعان ۇيىم جەتەكشىلەرىنىڭ ءبىرى ولگا رىل بۇل جۇيەنىڭ باسىمدىقتارىنا نازار اۋداردى: «گرانتتىق مەحانيزمدەر جوبالارعا ولاردىڭ تيىمدىلىگى مەن ساپاسىنا نازار اۋدارىپ، قاراجاتتىڭ كولەمىنە قاراماستان جەڭىمپاز اتانۋعا مۇمكىندىك بەرەدى. بۇل جۇيەدە جەڭىمپاز اتانۋ ءۇشىن دەمپينگ جاساپ قاجەت ەمەس. سونىمەن قاتار، گرانتتىق قاراجاتتىڭ 10%-ىن ۇكىمەتتىك ەمەس ۇيىمنىڭ ينستيتۋسيونالدى دامۋىنا جۇمساۋعا بولادى. بۇل گرانتتىق قارجىلاندىرۋ جۇيەسىنىڭ تاعى دا ءبىر باسىمدىعى بولىپ تابىلادى».

            ابقو وكىلدەرى جوبالاردىڭ ىسكە اسىرىلۋى ب ا ق بەتتەرىندە تۇراقتى جاريالانىپ وتىراتىندىعىنا كەپىلدىك بەردى.

            ەستەرىڭىزگە سالا كەتەيىك، «ازاماتتىق باستامالاردى قولداۋ ورتالىعى» 2016 جىلدىڭ اقپان ايىندا قۇرىلعان بولاتىن. ورتالىقتىڭ باستى مىندەتى مەملەكەتتىك ەمەس ۇيىمدارعا گرانت ءبولۋ مەن ولاردىڭ ىسكە اسىرىلۋىنا مونيتورينگ جۇرگىزۋ بولىپ تابىلادى. الايدا، ابقو جەڭىمپازداردى وزدىگىنەن انىقتامايدى، جەڭىمپازدار ساراپشىلىق كوميسسيا وتىرىسىندا انىقتالادى. اعىمداعى جىلى ۇيىم 556 ملن تەڭگەگە جۋىق قاراجات بولىنگەن بولاتىن. الايدا، 5 تاقىرىپ بويىنشا قابىلدانعان وتىنىشتەردىڭ تومەن ساپاسىنا بايلانىستى جەڭىمپازدار انىقتالعان جوق.

            ۇەۇ-دى قوعامدىق مونيتورينگ جۇرگىزۋگە شاقىرامىز.