ۇلىبريتانياداعى ەڭ ۇلكەن وتباسى سانالاتىن رەدفوردتاردىڭ 19 پەرزەنتى بار. سيۋ رەدفورد جۋىردا جيىرماسىنشى ءسابيىن دۇنيەگە اكەلمەك، دەپ جازادى شەتەلدىك باققا سىلتەمە جاساپ Stan.kz پورتالى
سيۋ قۋانىشتى جاڭالىقتى راستاپ، جەلىگە وتباسىنىڭ سۋرەتىن جۇكتەدى. ول 20-شى پەرزەنتىن 2017 جىلدىڭ قىركۇيەگىندە دۇنيەگە اكەلەتىنىن ايتتى. نوەل مەن ءسيۋدىڭ 19-پەرزەنتى فيبي وتكەن جىلدىڭ شىلدە ايىندا تۋىلعان.
فيبيدەن بولەك، جۇپتىڭ كريس (27 جاس)، سوفي (22 جاس)، حلوي (21 جاس)، دجەك (19 جاس)، دانيەل (17 جاس)، ليۋك (15 جاس)، ميللي (14 جاس)، كەتي (13 جاس)، دجەيمس (12 جاس)، ەللي (11 جاس)، ەيمي (10 جاس)، دجوش (9 جاس)، ماكس (7 جاس)، تيللي (6 جاس)، وسكار (4 جاس)، كاسپەر (3 جاس) جانە حوللي ەسىمدى ءسابيى بار.
كوپبالالى وتباسى مەملەكەتتەن ەشقانداي دا ماتەريالدىق كومەك كۇتپەيدى. سىيلىق تاڭداۋعا كەلگەندە جاعداي كۇردەلى دەيدى سيۋ. ول روجدەستۆو مەرەكەسىنە قىركۇيەك ايىنان باستاپ دايىندالادى. 19 بىردەي بالاسىنا سىيلىق الۋ ءۇشىن الدىن الا جوسپار دا قۇرادى ەكەن.«جىل بويى جوسپارلاۋعا تۋرا كەلەدى»، – دەپ ءتۇسىندىردى كوپبالالى انا.
نوەل مەن سيۋ ءبىر-بىرىن بالا كەزدەن سۇيەدى. سيۋ العاشقى ءسابيى كريستى نەبارى 14 جاسىندا دۇنيەگە اكەلەگەن. بۇگىندە كوپبالالى اتا-انانىڭ ءۇش نەمەرە ءسۇيىپ وتىرعان جايى بار.
جۇپ جىلىنا بالالارىنا 30 000 فۋنت ستەرلينگ جۇمسايدى. ءارقايسىسىنىڭ تۋعان كۇنىنە 100 فۋنتتان، ال روجدەستۆو كەزىندەگى ءار بالانىڭ سىيلىعىنا 100-250 فۋنت ارالىعىندا اقشا كەتەدى ەكەن.
بۇدان بولەك، كوپبالالى وتباسى جىل سايىن شەت مەملەكەتتە دەمالادى. سيۋ العاشقىدا ءۇش بالا تۋۋدى جوسپارلاعانىن ايتتى. الايدا ءار سابيمەن باقىتتارى ەسەلەنە تۇسكەن اتا-انا ۇشەۋدەن كەيىن دە توقتاي الماعان.
