25 وتاندىق ب ا ق وكىلدەرىنىڭ قاتىسۋىمەن ەكى ساعاتتان استام ۋاقىتقا سوزىلعان باسپا ءسوز كونفەرەنسياسىندا ق ر مادەنيەت جانە سپورت ءمينيسترى ارىستانبەك مۇحامەدي ۇلى ەكسپو-2017 حالىقارالىق مامانداندىرىلعان كورمە شەڭبەرىندە مينيسترلىك وتكىزەتىن مادەني جانە سپورتتىق شارالار تۋرالى باياندادى.   

ۆەدومستۆا باسشىسى اتاپ وتكەندەي، مادەنيەت جانە سپورت مينيسترلىگى ەكسپو-2017 حالىقارالىق مامانداندىرىلعان كورمەسىنىڭ مادەني-كورىنىستىك جانە سپورتتىق ءىس-شارالارىن قامتيتىن كەشەندى باعدارلاماسىنىڭ رەسمي سايتىن ۇستىمىزدەگى جىلدىڭ اقپان ايىندا تانىستىرعان بولاتىن.

مينيسترلىك قازاقستاننىڭ ونەر جانە سپورت شەبەرلەرى مەن تالانتتى جاستارىنىڭ قاتىسۋىمەن 700-گە جۋىق مادەني جانە سپورتتىق ءىس-شارالاردى وتكىزۋدى جوسپارلاپ وتىر.

«ەكسپو-2017 كورمەسىنىڭ مادەني باعدارلاماسى قازاقستاننىڭ باستى بايلىعى - بىرەگەي مادەنيەت پەن كوپۇلتتى حالقىمىزدىڭ ءداستۇرىن جان-جاقتى، كەڭىنەن ناسيحاتتاۋعا باعىتتالعان. ەلباسى جاريالاعان ءبىزدىڭ – «ماڭگىلىك ەل» ۇلتتىق يدەيامىز، سونداي-اق تاۋەلسىز قازاقستاننىڭ قالىپتاسۋى مەن ەلوردامىز استانانىڭ گۇلدەنۋى، مادەني ءىس-شارالار ارقىلى 93 كۇن بويى ەكسپو-2017 كورمەسىنىڭ، سونىمەن قاتار استانا قالاسىنىڭ بارلىق ساحنا الاڭدارىندا كورسەتىلەتىن بولادى» - دەپ اتاپ ءوتتى مينيستر.

قازاق حالقىنىڭ ۇلتتىق ءداستۇرىن كەڭىنەن پاش ەتەتىن ورتالىق، «قازانات» يپپودرومىنىڭ اۋماعىنداعى 2،5 مىڭ ش.م. جەردە ورنالاساتىن «ەتنواۋىل» ەتنومادەني كەشەنى بولماق.  ەتنواۋىل  «قولونەرشىلەر»، «ۇلتتىق ءدام ورتالىعى»، «ءداستۇرلى اڭ اۋلاۋ ونەرى»، «ۇلتتىق ويىن جانە ويىن-ساۋىق» سياقتى بىرنەشە سەكتورلاردان قۇرالاتىن بولادى. ەكسپو كورمەسىنىڭ كۇندەرىندە ەتنواۋىلدا كۇندەلىكتى كونسەرتتىك الاڭدا قازاقستان ونەر شەبەرلەرى مەن جۇلدىزدارىنىڭ قاتىسۋىمەن ءارتۇرلى جانرداعى كونسەرتتىك باعدارمالار ۇسىنىلادى. سونداي-اق، وسى سەكتوردا وزبەكستان، ماجارستان، رەسەي، نورۆەگيا، مونعوليا، قىرعىزستان، تۇركيا ەلدەرىنىڭ ارتىستەرىنىڭ قاتىسۋىمەن «TheSpiritofTengri» جوباسىنىڭ اۆتورلارىمەن بىرلەسە وتىرىپ، «Nomadsway» شاراسى كورسەتىلەدى. «استانا وپەرا» مەملەكەتتىك وپەرا جانە بالەت تەاترىنىڭ ساحناسىندا 50-دەن استام ءىس-شارا وتكىزىلەدى. ولاردىڭ ىشىندە دۇنيەجۇزىنە ايگىلى شىعارماشىلىق ۇجىمدار ونەر كورسەتەتىن وپەرا جانە بالەت سپەكتاكلدەرى، حالىقارالىق كونكۋرستار بار. قازاقستاندىق ۆوكالدىق مەكتەپ جەتىستىكتەرىنىڭ ارقاسىندا استانا قالاسىندا الەمنىڭ ەڭ تاڭداۋلى ۆوكالدىق كونكۋرستارىنىڭ ءبىرى الەمدىك وپەرادا اتى اڭىزعا اينالعان پلاسيدو دومينگو نەگىزىن سالعان جانە ونىڭ باستى كوركەمدىك جەتەكشىسى بولىپ تابىلاتىن «وپەراليا» وپەرا انشىلەرىنىڭ حالىقارالىق بايقاۋىن وتكىزۋ مۇمكىن بولىپ وتىر. ءىس-شارا شىعىندارىن «Rolex» شۆەيساريالىق كومپانياسى قامتاماسىز ەتەدى. 

قىركۇيەك ايىنىڭ باسىندا لاسكالا تەاترى  قازاقستاندىق كورەرمەندەردىڭ نازارىنا ۇلى كومپوزيتورلاردىڭ ماڭگىلىك تۋىندىلارى - دجۋزەپپە ۆەرديدىڭ  «فالستاف» وپەراسىن جانە ل.بەتحوۆەننىڭ №9 سيمفونياسىن  ۇسىناتىن بولادى. ديريجەر رەتىندە قازىرگى زامانىمىزدىڭ ايگىلى مۋزىكانتى زۋبين مەتا ونەر كورسەتەدى.

وسى جەردە، لاسكالا  گاسترولدەرىنە بايلانىستى بارلىق شىعىنداردى يتالياندىق «AGIP» (ENI) مۇناي-گاز كومپانياسى ەسەبىنەن جۇزەگە اسىرۋ جوسپارلانعانىن ايتقىم كەلەدى. ءقازىر گاسترولدەردى ۇيىمداستىرۋ بويىنشا ءتيىستى كەلىسىمشارتتارعا قول قويۋ ساتىسىندا بىرلەسكەن جۇمىستار اتقارىلۋدا.

ماريين تەاترىنىڭ استانادا ونەر كورسەتۋى ايتۋلى مادەني وقيعا بولماق. «استانا وپەرا» تەاترىنىڭ ساحناسىندا دج.ۆەرديدىڭ «سيمون بوككانەگرا» وپەراسى مەن ف.مەندەلسوننىڭ «جازعى تۇندەگى ءتۇس» بالەتى كورسەتىلەتىن بولادى. سپەكتاكلدەرگە رەسەي فەدەراسياسىنىڭ حالىق ءارتىسى ۆالەريي گەرگييەۆ ديريجەرلىك ەتەدى. بالەت سپەكتاكلىندە «استانا وپەرا» سيمفونيالىق وركەسترى جانە قازاق ۇلتتىق حورەوگرافيا اكادەمياسىنىڭ 25 جاس ءبيشىسى ونەر كورسەتەتىن بولادى.

ەكسپو-2017 كورمەسىن وتكىزۋ كەزەڭىندەگى قازاقستان رەسپۋبليكاسى ۇلتتىق مۋزەيىنىڭ ءباعدارلاماسىالۋانتۇرلى جانە وتە باي. ول رەسپۋبليكالىق جانە حالىقارالىق دەڭگەيدەگى كورمەلەردى قامتيدى.

ەكسپو-2017 كورمەسى اياسىندا قازاقستاندا العاش رەت «سين شيحۋاندي يمپەراتوردىڭ تەرراكوت اسكەرى» كورمەسى وتەدى. كورمەگە 50-گە جۋىق ارحەولوگيالىق بۇيىمدار: سازدان جاسالعان جاۋىنگەرلەر، قارۋ-جاراقتار، ىدىس-اياقتار، التىن جانە كۇمىس اشەكەيلەر  ۇسىنىلادى.

بۇعان قوسا، ايتارلىقتاي ءىس-شارالاردىڭ ءبىرى ەرميتاج قورىنىڭ كورمەسى بولىپ تابىلادى، وندا ۇزاق جىلدار بويى ەرميتاجدا ساقتالعان شىعىس پەن باتىس قارۋ ونەرىنىڭ 200-گە جۋىق ۇلگىلەرى ۇسىنىلادى. بۇل تۋرسيا، يران، ءۇندىستان، جاپونيا، فرانسيا، يتاليا، گەرمانيا، يسپانيا جانە ت.ب. ەلدەردىڭ سوعىسقا، اڭشىلىققا جانە سالتاناتتى شەرۋگە ارنالعان قارۋلارى. كورمەنىڭ حرونولوگياسى XV عاسىردان XIX عاسىردىڭ سوعىنا دەيىنگى ارالىقتى قامتيدى.

سونىمەن قاتار مۋزەيگە كەلۋشىلەر نازارىنا يسلام ونەرى مۋزەيى جيناعىنان سۇلتان بەيبارىستىڭ ءومىرى مەن بيلىك ەتۋ تاريحىنا ارنالعان «سۇلتان بەيبارىس جانە ونىڭ ءداۋىرى» (كاير ق. مىسىر) اتتى كورمە ۇسىنىلاتىن بولادى.

«سكيف التىنى» اتتى حالىقارالىق كورمەدە ۇلتتىق مۋزەي قوناقتارىنا ەرەكشە كوڭىل-كۇي سىيلايتىن بولادى. كورمەدە وسى كونە حالىقتىڭ باستى مۇراسى – بابالاردىڭ بىرەگەي تۇسىنىگى مەن دۇنيەتانىمىن بىلدىرەتىن، كوشپەندىلەردىڭ قولىنان تۋىنداعان ورىنداۋ تەحنيكاسى مەن اسەمدىلىگى بويىنشا قايتالانباس بىرەگەي التىن بۇيىمدارى، ايگىلى قورعان ارتەفاكتىلەرى ۇسىنىلادى

اتالعان حالىقارالىق جوبالارمەن قاتار ۇلتتىق مۋزەيدىڭ باعدارلاماسىندا تانىمال قازاقستاندىق سۋرەتشىلەر، قازاقستان رەسپۋبليكاسى ەڭبەگى سىڭگەن ونەر قايراتكەرلەرى، مەملەكەتتىك سىيلىقتىڭ يەگىرلەرى – ەربولات تولەپباي مەن باتيما زاۋربەكوۆانىڭ جەكە كورمەلەرىن ۇيىمداستىرۋ قاراستىرىلعان.

ماۋسىم مەن قىركۇيەك ايلارىندا قازاقستان ءۇشىن سالىستىرمالى تۇردەگى جاڭا جانر ميۋزيكلدىڭ جانكۇيەرلەرى ءۇشىن بەيبىتشىلىك جانە كەلىسىم سارايىندا «AstanaMusical» تەاترىنىڭ جاس ۇجىمى قازاقستاندىق جانە شەتەلدىك اۆتورلاردىڭ قويىلىمدارىن ساحنالايدى. اتاپ ايتساق، «استانا»، «ماحاببات داستانى»، «دوستار سەرتى» جانە ت.ب. ميۋزيكلدەر.

كورمەنىڭ ءوتۋ ۋاقىتىندا ۇزدىك الەمدىك ستاندارتتارعا ساي جاڭا تەاترلىق الاڭ - «استانا بالەت» تەاترىندا دارىندى قازاقستاندىق جانە شەتەلدىك دراماتۋرگتار، حورەوگرافتار، مۋزىكانتتاردىڭ شىعارماشىلىق يدەيالارى ساحنالاناتىن بولادى.

اتالعان عاجايىپ تەاتردىڭ ساحناسىندا رەسپۋبليكالىق تەاترلىق جانە كونسەرتتىك ۇيىمدار ءوز ونەرىن كورسەتەتىن بولادى، ولاردىڭ ىشىندە ەلىمىزدىڭ جەتەكشى شىعارماشىلىق ۇجىمدارى - «استانا بالەت» تەاترى، جامبىل اتىنداعى قازاق مەملەكەتتىك فيلارمونياسى، قۇرمانعازى اتىنداعى وركەستر، م. اۋەزوۆ،  م. لەرمونتوۆ، ع. مۇسىرەپوۆ اتىنداعى تەاترلار، ۇلتتىق كورەي، ۇيعىر مەن نەمىس تەاترلار جانە ت.ب.

ەكسپو-2017 كورمەسى وتەتىن كەزەڭدە قالا تۇرعىندارى مەن قوناقتارىنا ق ر ۇلتتىق اكادەميالىق كىتاپحاناسىنىڭ  ەسىگى ايقارا اشىق. كىتاپحانا قابىرعاسىندا كورمەلەر، دوڭگەلەك ۇستەلدەر، تانىمال مادەنيەت جانە ونەر قايراتكەرلەرىمەن كەزدەسۋلەر، سەمينارلار، كونفەرەنسيالار جانە ت.ب. شارالار وتەدى.

ەكسپو-2017 كورمەسىنىڭ مادەني باعدارلاماسى شەڭبەرىندە اشىق اسپان استىنداعى سپەكتاكلدەر قويىلىمى ايرىقشا ورىن الادى. 15-16 ماۋسىمدا بەيبىتشىلىك جانە كەلىسىم سارايىنىڭ الدىندا ەلوردا تۇرعىندارى مەن قوناقتارى ءۇشىن دج. ۆەرديدىڭ «ايدا» وپەراسىنىڭ قويىلىمى وتەدى. 25 ماۋسىمدا مينيسترلىك تاعى ءبىر اۋقىمدى، وتە تانىمال جانە كۇردەلى جوبانىڭ ءبىرى –ليۋدۆيگ مينكۋستىڭ «دون كيحوت» بالەتىن ۇسىنادى. سونىمەن بىرگە، قازاقتىڭ مۋزىكالىق مۇراسىن ناسيحاتتاۋ ماقساتىندا 14 شىلدەدە ە. برۋسيلوۆسكييدىڭ «قىز جىبەك» وپەراسى قويىلادى، بۇل جوبا دا ايرىقشا اۋقىمدى بولادى، ول دا بەيبىتشىلىك جانە كەلىسىم سارايىنىڭ الدىندا كورسەتىلەدى دەپ كۇتىلۋدە. 

ەكسپو-2017 كورمەسىنىڭ مادەني باعدارلاماسىنىڭ كۋلميناسيالىق شاراسى، ازيانىڭ مەگا-جۇلدىزى ديماش قۇدايبەرگەننىڭ كونسەرتى.

2017 جىلدىڭ تاعى ءبىر ايرىقشا وقيعاسى  «TURKVISION» قازىرگى زامانعى ەسترادا اندەرىنىڭ كونكۋرسى بولىپ تابىلادى، ونى استانا قالاسىندا تامىز ايىنىڭ اياعىندا وتكىزۋ جوسپارلانعان.

استانادا پ.ي.چايكوۆسكيي اتىنداعى حالىقارالىق جاسوسپىرىمدەر كونكۋرسىنىڭ وتكىزىلۋى قازاقستان ءۇشىن ەرەكشە  مۇمكىندىك بولماق.

Eurasian Dance Festival حالىقارالىق بالەت ونەرىنىڭ فەستيۆالى ەكسپو-2017 مادەني باعدارلاماسىنىڭ تاعى ءبىر يميدجدىك ءىس-شاراسى بولىپ تابىلادى. فەستيۆالعا «UniversalBallet» كورەي ترۋپپاسى، اقش-تىڭ «BadBoysofDance» بي ۇجىمى، «استانا وپەرا» موبت، «استانا بالەت» تەاترى، سونىمەن قاتار الەمدىك بالەتتىڭ جەتەكشى سوليستەرى قاتىسپاق. فەستيۆال استانا قالاسىنىڭ ەڭ ۇزدىك الاڭدارىندا - «استانا بالەت» تەاترى، «استانا وپەرا» موبت، «قازاقستان» وكز وتەدى.

كسرو حالىق ءارتيسى ءاسانالى ءاشىموۆتىڭ 80 جىلدىعىنا ارنالعان بۇكىلالەمدىك «استانا» تەاتر فەستيۆالى ماڭىزدى مادەني وقيعالاردىڭ ءبىرى، الەمدىك دەڭگەيدەگى تەاتر جۇلدىزدارىنىڭ كەزدەسۋى، اۋقىمدى اشىق فەستيۆالعا اينالادى. فەستيۆالعا 10 ەلدەن الەمگە تانىمال 13-تەن استام تەاتر قاتىسادى دەپ كۇتىلۋدە.

كورمە اياسىنداعى ماڭىزدى ءىس-شارا - «ەۋرازيا» حالىقارالىق كينوفەستيۆالى بولادى. كينوفەستيۆال باعدارلاماسى كونكۋرستىق جانە كونكۋرستان تىس باعدارلامالاردى، پيچينگ، دوڭگەلەك ۇستەلدەر، ماستەر-كلاسستار، تۇڭعىش رەت وتەتىن EurasiaFilmMarket كينو نارىعىن جانە ت.ب. قامتيدى.  مادەني ىس-شارالارمەن قاتار، ەكسپو-2017 حالىقارالىق مامانداندىرىلعان كورمەسى كەزىندە 14 سپورتتىق ءىس-شارانىڭ وتكىزىلۋى جوسپارلانعان. ولاردىڭ التاۋى الەم چەمپيوناتى، ەكەۋى ازيا چەمپيوناتى، ۇشەۋى حالىقارالىق جارىس، ەكەۋى پرەزيدەنت كۋبوگى جانە بۇكىلالەمدىك بوكسەرلار كەڭەسىنىڭ جىلسايىنعى 55ء-شى مەرەيتويلى كونۆەنسياسى. سونداي-اق قانات يسلامنىڭ قاتىسۋىمەن كاسىبي بوكسكەشىن وتكىزۋ ماسەلەسى پىسىقتالۋدا.

ولاردىڭ ىشىندە قازاق كۇرەسىنەن تۇيە پالۋاندارى اراسىندا «الەم بارىسى» الەم چەمپيوناتى، كوكپاردان جانە كاراتە شينكيوكۋشينكايدان الەم چەمپيوناتتارى، تەننيستەن پرەزيدەنت كۋبوگى، كوركەم گيمناستيكادان ازيا چەمپيوناتى، 55ء-شى مەرەيتويلى بۇكىلالەمدىك بوكس كەڭەسىنىڭ كونۆەنسياسى. ماسكەۋ قالاسىندا 7 شىلدەدە باستالىپ، 10-14 شىلدە ارالىعىندا قوستاناي، استانا، سەمەي، ۇرجار باعىتى بويىنشا وتەتىن اۆتوموتوسپورتتان «جىبەك جولى-2017» حالىقارالىق راللي مارافونىن ەرەكشە اتاپ وتكەن ءجون. رالليگە الەمنىڭ 50 ەلىنەن 1،5 مىڭنان استام ادام قاتىسادى.

«ەكسپو-2017 كورمەسى اياسىنداعى كەشەندى باعدارلامانى جۇزەگە اسىرۋ ناتيجەسىندە الەمدىك ارەنادا قازاقستاننىڭ وڭ ءيميدجىنىڭ قالىپتاسۋىنا ىقپال ەتىلىپ، قازاقستاننىڭ ۇلتتىق مادەنيەتى مەن ءداستۇرىن حالىقارالىق دەڭگەيدە ناسيحاتتاۋعا ۇلەس قوسادى» - دەپ قورىتىندىلادى مينيستر.