ءۇندىستاننىڭ سولتۇستىگىندە ورنالاسقان ۆاراناسي ايماعىندا ماحاشتا مۋراسي ەسىمدى ەتىكشى قارت تۇرادى. ءوزىنىڭ ايتۋىنشا، ول 1835 جىلى تۋىلىپ، قازىرگى تاڭدا جاسى 181-گە كەلگەن. بۇل قاريا الەمدەگى ەڭ كارى ادامداردىڭ قاتارىندا. بۇل كىسىدەن ۇلكەن 191 جاستاعى نيگەريالىق ماما ەفيشو دەگەن ادام، الايدا بۇل ادام جايلى دەرەكتەر ناقتى بولىپ تابىلمايدى، دەپ حابارلايدى lamp.im، مالىمەتتىڭ قازاقشا نۇسقاسىن "قامشى" پورتالى وقىرمان نازارىنا ۇسىنادى.

«مەن – الەمدەگى ەڭ كارى اداممىن، 181 جىل بۇرىن تۋىلدىم. ءولىم مەنى ۇمىتىپ كەتكەن ءتارىزدى»، - دەيدى قارت كىسى.

ماحاشتا ءمۋراسيدىڭ جەكە باسىن انىقتايتىن قۇجاتتار مەن ءۇندىستان بيلىگى بۇل اقپاراتتىڭ راس ەكەندىگىن جوققا شىعارمايدى. الايدا، دارىگەرلەر مۇنىڭ راس ەكەندىگىنە سەنبەيدى، سەبەبى بۇل كىسىگە كەلگەن ەڭ سوڭعى دارىگەر 1971 جىلى كوز جۇمعان. جەرگىلىكتى ب ا ق وكىلدەرىنىڭ حابارلاۋىنشا، ەتىكشى 1835 جىلدىڭ 6 قاڭتارىندا بانگالوردا دۇنيەگە كەلگەن. كەيىننەن 1903 جىلى ۆارانسيعا كوشىپ، سوندا جۇمىس ىستەپ، 122 جاسىندا زەينەتكە شىققان.

«مەنىڭ شوبەرەلەرىم الدە قاشان قايتىس بولىپ كەتكەن. ءولىم مەنى مۇلدەم ۇمىتىپ كەتكەن سەكىلدى. مەن، ءتىپتى، 150 جاس جاسايمىن دەپ ويلاماعانمىن. سوعان قاراعاندا مەن اجالسىز ادام شىعارمىن. وسى وي ماعان سانسىز ءلاززات بەرەدى»، - دەپ، فيلوسوفيالىق تۇرعىدان وزىنشە تۇجىرىم جاسايدى قاريا.

اۋدارعان: نازەركە لابيحان