1. ول ەكىنشىسىن الدى. اللا رۇحسات ەتكەن..ەگەر بەسىنشىسىن الىپ جاتسا عانا، قاتتى قايعىرۋعا بولادى.

2. ول قايتىس بولىپ كەتكەن جوق، تەك تاعى ۇيلەندى. ءبىر كۇن كورىسپەسەڭىز دە، كەلەسى كۇنى كورەسىز. قانشاما ايەلدەر جەسىر قالىپ، ماڭگىلىككە كۇيەۋلەرىنەن ايىرىلىپ جاتىر.

3. مەيلى، 2 كۇندە بولسا دا ءبىر كەلەدى. ءارتۇرلى جاعدايلارعا، جۇمىسىنا بايلانىستى كەي ايەلدەر وتاعاسىن ايلاپ، ءتىپتى جىلىنا بىرنەشە رەت كورەدى.

4. ول زينا جاساپ جاتقان جوق، ول حالالىنان ۇيلەندى. ول ساۋاپتى ءىس جاسادى. مۇسىلمان ادام ساۋاپتى امال جاساعاندا قايعىرۋعا بولا ما؟

5. ول ۇيلەندى، سىزبەن اجىراسىپ كەتكەن جوق.

6. ول مۇسىلمان ايەلگە ۇيلەندى. ال مۇسىلمان ايەل ءسىزدىڭ باۋىرىڭىز. باۋىرىڭىز جالعىز جۇرگەنشە، تۇرمىسقا شىققانىنا قۋانا الاسىز با؟ 7. وعان ايەلدەر ۇنايدى، دەمەك ول ناعىز ەركەك.

8. ول وسىنى جاسادى. دەمەك ونىڭ ءبىر اللاعا دەگەن تاۋەكەلى بار جانە وزىنە سەنىمدى. ەكى ايەلدى بىردەي ءوز جاۋاپكەرشىلىگىنە الا الاتىن ەر ادامدار ساناۋلى عانا.

9. ول پايعامبارىمىزدىڭ (وعان اللانىڭ يگىلىگى مەن سالەمى بولسىن) سۇننەتىن ورىندادى.

10. ول قۇرانداعى اياتقا امال ەتتى.

11. ول پايعامبارىمىزدىڭ (وعان اللانىڭ يگىلىگى مەن سالەمى بولسىن) ۇممەتىن كوبەيگەنىن قالايدى. ويتكەنى راسۋلۋللاھ قيامەتتە ۇممەتىنىڭ كوپتىگىمەن قۋانادى. سوندىقتان، كۇيەۋىڭىز ەكىنشى ايەل السا جىلاپ، قايعىرىپ ومىردەن تۇڭىلمەي، بۇل نارسەدەن ساۋاپ ءۇمىت ەتىڭىز. ءار نارسەدە حايىر بار