31 ناۋرىزدا قازاقستاننىڭ كوپتەگەن وبلىستارىندا اۋا رايىنىڭ قولايسىزدىعىنا بايلانىستى كولىك قۇرالدارىنىڭ بارلىق ءتۇرى ءۇشىن جولدار جابىلدى، - دەپ حابارلايدى tengrinews.kz ق ر ءىىم تجك "قازاقاۆتوجول" رەسپۋبليكالىق مەملەكەتتىك قازىنالىق كاسىپورنىنا سىلتەمە جاساپ. 

پاۆلودار وبلىسىندا (186-220 شاقىرىمىندا) جولدى سۋ باسقان. شىعىس قازاقستان وبلىسىندا قاردىڭ ەرۋىنە بايلانىستى (8-166 شاقىرىمىندا) سەمەي - قاينار تاس جولى جابىلدى. اقمولا وبلىسىندا اۋا رايىنىڭ قولايسىزدىعىنا بايلانىستى (قاتتى جەل، قار، كورۋ مۇمكىندىگىنىڭ تومەندىگىەن) كوكشەتاۋ - اتباسار (48-184 شاقىرىمىندا)، قوستاناي وبلىسىندا (232-260 شاقىرىمىندا) قوستاناي - اۋليەكول - سۇراعان جولدارى جانە جەزقازعان - پەتروپاۆل تاسجولى جابىلدى. سولتۇستىك قازاقستان وبلىسىندا اۋا رايىنىڭ قولايسىزدىعىنا (جەلدىڭ كۇشەيۋى، بوران) بايلانىستى بارلىق كولىك تۇرلەرى ءۇشىن جولدار جابىلدى. 

وسىعان دەيىن، 31 ناۋرىزدان 2 ساۋىرگە دەيىن كۇننىڭ جىلىنۋىنا بايلانىستى شىعىس قازاقستان وبلىسىنداعى وزەندەردىڭ دەڭگەيى كوتەرىلەتىنى جانە سۋ باسۋ ءقاۋىپى بارى تۋرالى حابارلاندى.