يتاليادا 14 جاسار قىزدىڭ اتا-اناسى ونى وسىلايشا جازالاماق بولعان. كوپشىلىك جەردە ورامال تاعۋدان باس تارتقانى ءۇشىن ونىڭ شاشىن الىپ  تاستاعان. بۇل تۋرالى «قامشى» پورتالى lenta.ru-عا سىلتەمە جاساپ حابارلايدى.

بۇل وقيعا بانگلادەشتەن كەلگەن بولونيادا تۇراتىن ازاماتتار جانۇسىندا ورىن العان.  كەلۋشىلەر پوليسيا كوزىنە بۇرىندارى  ەرسى قىلىقتارىمەن تۇسپەگەن.

قىزدىڭ اناسى ءوزىنىڭ 8-سىنىپتا وقيتىن قىزىنىڭ مەكتەپكە باراردا حيدجاپتى شەشىپ، ۇيگە كەلگەندە قايتا كيەتىنىن كورىپ ونىڭ شاشىن الىپ تاستاعان.

وسى جاعدايدان كەيىن مەكتەپكە بارعان قىز مەكتەپ مۇعالىمدەرىنە ءوزىنىڭ جاعدايىن ايتىپ قۇقىق قورعاۋ ورگاندارىنا حابارلاسۋدى سۇراعان.

ناتيجەسىندە قىزدىڭ اكە-شەشەسى وعان تەك قانا حيدجاب كيۋدى مىندەتتەمەگەنى بەلگىلى بولدى. سونىمەن بىرگە ۇيدەن جالعىز ەش جەرگە شىقپاۋعا، ەر ادامدارمەن، ءتىپتى ءوزىنىڭ سىنىپتاسىرىمەن سويلەسۋگە تىيىم سالىنعان. قىزدى قانداي دا ءبىر زورلىققا يتەرمەلەمەسە دە، قىزعا جانە ونىڭ سىڭىلدەرىنە پسيحولوگيالىق قىسىم جاسالاتىنى بەلگىلى بولدى. اتا-انالار بالالارعا قاتالدىق كورسەتكەنى ءۇشىن ايىپتالىپ، قىزدار بولسا اتا-انالارىنان جىراقتالىپ ءقاۋىپسىز جەرگە ورنالاستىرىلدى. اتا-انالارى سوت الدىندا جاۋاپ بەرەتىن بولادى.  قالاداعى مۇسىلمان قاۋىمداستىقتارى قۇقىق ورگاندارىنىڭ مۇنداي ءىس ارەكەتتەرىنە تەرىس پىكىرلەرىن ءبىلدىردى.