ستوكگولمدە 1 ءساۋىردىڭ كەشكى ۋاقىتىندا امەريكالىق اقىن ءارى مۋزىكانت بوب ديلانعا نوبەل سىيلىعى تاپسىرىلدى. نوبەل سىيلىعىمەن قوسا التىن مەدال تابىستالدى. مۋزىكانتتىڭ قالاۋى بويىنشا ماراپاتتاۋ ءراسىمى ب ا ق وكىلدەرىنسىز تەك كامەراعا ءتۇسىرۋ ارقىلى وتكەن، دەپ حابارلايدى تاسس.
وسى سىيلىقتىڭ $909 مىڭ اقشالاي جۇلدەسىن الۋ ءۇشىن بوب ديلان نوبەل يەگەرىنىڭ ءداستۇرلى ءدارىسىن بيىلعى ماۋسىمنىڭ 10-ىنان كەشىكتىرمەي وقۋى ءتيىس.
نوبەل سىيلىعىن تاپسىرۋ راسىمىنە قاتىسىپ شىققاننان كەيىن سەنبى كۇنى كەشكە ديلان ستوكگولمدە ونەر كورسەتكەن. بۇعان دەيىن مۋزىكانت ەۋروپالىق تۋرىن ءساۋىردىڭ 1ء-ى مەن 2ء-ى كۇندەرى شۆەسيا استاناسىنداعى كونسەرتتىك قويىلىمدارمەن باستايتىنى حابارلانعان ەدى.
وتكەن جىلى شۆەد اكادەمياسى ادەبيەت بويىنشا 2016 جىلعى نوبەل سىيلىعىن بوب ديلانعا «امەريكالىق ۇلى ءان داستۇرىندە جاڭا پوەتيكالىق تىركەستەر تۋدىرعانى ءۇشىن» بەرگەن. الايدا، ديلان بەلگىلى ءبىر سەبەپتەرمەن بىلتىر جەلتوقساننىڭ 10-ى كۇنى نوبەل سىيلىعى يەگەرلەرىن رەسمي ماراپاتتاۋ راسىمىنە كەلمەي قالعان ەدى.
