1 ءساۋىر كۇنى پوليسەي قىزمەتكەرلەرىمەن ازىلدەسپەك بولعان باتىس باتىس قازاقستان وبلىسىنىڭ تۇرعىنى سوتتالىپ كەتۋى مۇمكىن، دەپ حابارلادى تەرروريزممەن كۇرەس جونىندەگى وبلىستىق شتابتىڭ باق-پەن بايلانىس توبى 

1 ءساۋىر كۇنى پوليسياعا ايەل ادام حابارلاسىپ، كۇيەۋىنىڭ پويىزدا كەپىلگە ۇستالىپ وتىرعانىن حابارلاعان. ءبىراز ۋاقىتتان كەيىن قايتا قوڭىراۋ شالىپ 1 ءساۋر كۇنىنە بايلانىستى قالجىڭداماق بولعانىن ايتادى. الايدا، قۇقىق قورعاۋشىلار ايەلدىڭ بۇل ارەكەتىن زاڭعا قايش دەپ ەسەپتەپ، شارا قولدانۋ كەرەكتىگىن ەسكەرتتى.

«ايەلدىڭ جەكە باسى انىقتالدى. ءازىلقوي باتىس قازاقستان وبلىسىنىڭ 30 جاستاعى تۇرعىنى بولىپ شىقتى. قازىرگى ۋاقىتتا بۇل دەرەك بويىنشا تەرگەۋ شارالارى جۇرگىزىلىپ جاتىر»، — دەپ حابارلادى جەدەل شتابتا.

وعان قاتىستى قىليمىستىق كودەكستىڭ 273-بابى «تەررورلىق اكتىسى تۋرالى جالعان حابار بەرۋ» بويىنشا سوتقا دەيىنگى تەرگەۋ باستالعان.

زاڭ بويىنشا ول التى جىلعا دەيىن باس بوستانادىعىنان ايىرىلۋى مۇمكىن.