سارۋ بريەرلي 5 جاسقا تولعان كەزدە ول باسقا پويىزعا وتىرىپ، ءوزىنىڭ كالكۋتتاداعى ۇيىنەن 1500 شاقىرىم الىسقا ۇزاپ كەتەدى. بالا جول تاۋىپ ءوز ۇيىنە قايتقىسى كەلگەنىمەن ۇلكەن قالادا وعان كومەك قولىن سوزىپ، جول كورسەتەر ەشكىم تابىلمايدى، دەپ حابارلايدى Stan.kz

سارۋ ءبىراز ۋاقىت كوشەدە تۇنەپ، سوسىن جەرگىلىكتى بالا اسىراپ الۋ اگەنتتىگى وعان اۆستراليادان جاڭا وتباسىن تاۋىپ بەرەدى. ول وتباسى سارۋدى وتانى ءۇندىستاننان الىپ كەتەدى. بالا اعىلشىن ءتىلىن ۇيرەنىپ، اسىراپ العان اتا-اناسىنىڭ قاسىندا ەرجەتەدى. ءبىراق، ەشقاشان دا ءوز وتباسىنا قايتا ورالسام دەگەن ءۇمىتىن ۇزبەيدى.

25 جىلدان سوڭ سارۋ Google Earth سەرۆيسى تۋرالى ەستىپ، ول ارقىلى ءوز ءۇيىن ىزدەي باستايدى. ول قالاسىنىڭ اتىن دا، كالكۋتتاعا قاي پويىزبەن كەلگەنىن دە بىلمەدى. ءبىراق، كليماتى جىلى ايماقتا ءوسىپ، بالا كەزدە حيندي تىلىندە عانا سويلەگەنىن ءبىلدى. جانە كوپ ادام سارۋعا شىعىس ءۇندىستان تۇرعىنىنا قاتتى ۇقسايتىنىن ايتاتىن.

ول سپۋتنيكتىك فوتوگرافيالار ارقىلى ءوز ءۇيىن دە تاۋىپ الادى. اقىرىندا ول ءوز اناسىمەن دە كەزدەسەدى.

ەر ادام ءوزىنىڭ ءومىرى تۋرالى وسىناۋ عاجايىپ وقيعانى “ۇيىمە دەيىنگى ۇزاق جول” اتتى كىتابىندا باياندايدى.

جانە ول تۋرالى 2017 جىلى “وسكار” سىيلىعىنىڭ 6 اتالىمىندا جەڭگەن “ليەۆ” ءفيلمى تۇسىرىلگەن.