دۇيسەنبىدە، 3 ساۋىردە الماتىنىڭ قىلمىستىق ىستەر بويىنشا مامانداندىرىلعان اۋدانارالىق سوتىندا بتا بانكىنىڭ بۇرىنعى باسشىسى مەن قارجى ينستيتۋتىنىڭ بۇرىنعى توپ-مەنەدجەرلەرىنە قاتىستى سوت وتىرىسى باستالدى، - دەپ حابارلايدى tengrinews.kz ريا جاڭالىقتار قىزمەتىنە سىلتەمە جاساپ.

سونداي-اق، وسىعان دەيىن ءابليازوۆتىڭ سىرتتاي سوتتالاتىنى حابارلانعان ەدى. «مۇحتار ءابليازوۆقا، جاقسىلىق جارىمبەتوۆقا، قايرات سادىقوۆقا جانە ءسادۋاقاس مامەشكە قاتىستى باس سوت وتىرىسى الماتىداعى قىلمىستىق ىستەر بويىنشا مامانداندىرىلعان اۋدانارالىق سوتتا 2017 جىلدىڭ 3 ساۋىرىندە ساعات 10.00-دە اشىق تارتىپتە ءوتىپ، سوت ءوندىرىسى ورىس تىلىندە جۇرگىزىلسىن»، - دەگەن ەدى قىلمىستىق ىستەر بويىنشا مامانداندىرىلعان اۋدانارالىق سوتتىڭ سۋدياسى مارتپەك كاكىمجانوۆ.

ايتا كەتەيىك، ىستە 2 224 توم بار، ايىپتاۋ تىزىمىندە 205 كۋاگەر بار. وسىعان دەيىن سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ باسپا ءسوز قىزمەتى جىمقىرىلعان قاراجاتتىڭ حالىقتىڭ زەينەتاقى جيناعى ەكەنى دالەلدەنگەن حابارلاعان ەدى.

«تەرگەۋدەن جىمقىرىلعان قاراجاتتىڭ حالىقتىڭ زەينەتاقى جيناعى ەكەنى، قازاقستان ازاماتتارىنىڭ جەكە جيناعى ەكەنى جانە شەتەلدىك قارجى ينستيتۋتتارىنىڭ قارىزى ەكەنى ناقتىلى انىقتالدى»، - دەلىنگەن ۇلتتىق بيۋرونىڭ حابارلاماسىندا. ەسكە سالا كەتەيىك، 2017 جىلدىڭ 2 اقپانىندا ق ر سىبايلاس جەمقورلىققا قارسى ءىس-قيمىل ۇلتتىق بيۋروسى جاۋاپ الۋ ءۇشىن مۇحتار ءابليازوۆتى استاناعا شاقىرعان بولاتىن.

«ق ر سىبايلاس جەمقورلىققا قارسى ءىس-قيمىل ۇلتتىق بيۋروسى «بتا بانك» اق بۇرىنعى توپ-مەنەدجمەنتى م.ق.ءابليازوۆقا، ج.د.جارىمبەتوۆكە جانە وزگەلەرگە قاتىستى قىلمىستىق ءىستىڭ سوتالدى تەرگەۋىن جالعاستىرىپ جاتىر. تەرگەۋ بارىسىندا انتيكوررۋپسيا قىزمەتى ءابليازوۆ پەن ونىڭ سىبايلاستارىنىڭ زاڭسىز ارەكەتتەرىنىڭ قوسىمشا دالەلدەرىن تاپتى. بانكتەن قاراجاتتى جىمقىرۋدىڭ جاڭا نۇسقالارى اشىلدى. انىقتالعان دەرەكتەر ءابليازوۆتىڭ قىلمىستىق ۇيىم قۇرىپ، وعان باسشىلىق ەتكەن دەگەن قوسىمشا كۇدىك كەلىپ وتىر. ونىڭ ىشىندە ءبىرقاتار ۇيىمداسقان قىلمىستىق توپ كىرەدى، توپ قازاقستان تەرريتورياسىندا دا، شەتەلدە دە ارەكەت ەتكەن»، - دەلىنگەن ەدى ۆەدومستۆو حابارلاماسىندا.